Składzieny śpis krain z samym tannym i samym darahim internetam. Dzie akazałasia Biełaruś?
Brytanski sajt cable.co.uk paraŭnaŭ ceny na taryfnyja mabilnyja płany ŭ 237 krainach.
Na pieršym miescy z samym tannym internetam — Izral. Hihabajt danych na mabilnym internecie tam kaštuje ŭ siarednim $0,02. U piaciorku trapili taksama Italija ($0,09 za hihabajt), Fidžy ($0,09), San-Maryna ($0,1) i Kambodža ($0,12).
Biełaruś akazałasia na 66-m miescy ź siaredniaj canoj $0,67 za hihabajt. Situacyja ŭ susiednich krainach vyhladaje tak: Rasija ($0,25 i 15-je miesca), Ukraina ($0,27 i 16-je miesca), Polšča ($0,37 i 27-je miesca), Litva ($1,26 i 117-je miesca), Łatvija ($3,21 i 197-je miesca).
Samy darahi mabilny internet — u Zimbabve (43,75 dalara za hihabajt). Pierad joj u kancy rejtynhu iduć Fałklendskija astravy (cana za hihabajt — $40,58), vostraŭ Śviatoj Aleny ($40,13), Paŭdniovy Sudan ($23,7) i Takiełau ($17,24).
Kamientary