U Polščy patrabujuć uvieści sankcyi suprać biełaruskich charčovych solaŭ
Z adpaviednymi zaklikami ŭ MUS krainy źviarnulisia polskija vytvorcy soli, pieradaje Money.pl
Pavodle partała Money.pl, jaki spasłaŭsia na vydańnie Puls Biznesu, polskija vytvorcy soli zapatrabavali ŭvieści sankcyi suprać kuchonnaj i kamiennaj solaŭ ź Biełarusi. Adpaviednyja prapanovy ŭžo razhladaje MUS Polščy.
Polskija vytvorcy arhumientujuć svaju pazicyju tym, što nacyjanalnyja i jeŭrapiejskija abmiežavańni dahetul nie zakranajuć biełaruskaha siektara charčovych solaŭ, u adroźnieńnie ad kalijnych.
Heta, na dumku palakaŭ, pryvodzić da taho, što biełaruskaja sol svabodna pradajecca ŭ Polščy i krainach ES pa kudy mienšaj canie, čym u miascovych vytvorcaŭ.
«Siońniašnija sankcyi u dačynieńni da Biełarusi niedastatkovyja. Tamu naš fond i staroje abjadnańnie vytvorcaŭ soli Polska Sól źviarnułasia da ministra ŭnutranych spraŭ Maryjuša Kamińskaha z zaklikam vyvučyć mahčymaść prymianieńnia polskich i jeŭrapiejskich sankcyj u dačynieńni da biełaruskaj charčovaj soli», — havorycca ŭ zajavie polskich vytvorcaŭ.
U pryvatnaści, tyja patrabujuć pašyryć sankcyi suprać biełaruskaha pradpryjemstva «Mazyrsol», a taksama suprać źviazanych ź im čynoŭnika Bahdana Hienadzia Andrejeviča i pałkoŭnika Ejbatava Aleha Anatoljeviča (jaki ŭžo znachodzicca pad ukrainskimi sankcyjami za padtrymku rasijskaha ŭvarvańnia va Ukrainu).
Za minuły hod, pa infarmacyi polskich ŚMI, Biełaruś pradała ŭ ES charčovaj soli amal na 10 miljonaŭ jeŭra, što, adnak, u dva razy mienš za pakazčyki 2021 hoda, bo paŭpłyvali nizkija ceny i admova niekatorych krain ad supracoŭnictva ź Minskam.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»33
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary