Rekanstrukcyja pačniecca ŭžo ŭ kastryčniku.
Kinateatr «Maskva» čakaje kapitalny ramont. Heta kulturnaja ŭstanova na praśpiekcie Pieramožcaŭ adkryłasia ŭ vieraśni 1980 h. U joj raźmiaściŭsia pieršy šyrokafarmatny kinateatr u respublicy, a ŭ małoj zale — Teatr-studyja kinaakciora.
Paśla 40-hadovaj ekspłuatacyi abjekt zajmieŭ patrebu ŭ kapitalnym ramoncie. U suviazi z hetym niekalki hadoŭ tamu Teatr-studyja kinaakciora pierajechaŭ na novuju placoŭku na praśpiekcie Mašerava. A ciapier pryjšoŭ čas abnaŭleńnia «Maskvy», pišuć Minsk-naviny.
Jak paviedamiŭ zakazčyk — UKB Centralnaha rajona h. Minska, — prajekt rekanstrukcyi z kapitalnym ramontam prajšoŭ ekśpiertyzu, ciapier idzie vybar hienpadradnaj arhanizacyi. Pačać budaŭničyja raboty płanujecca ŭ kastryčniku.
Što ž budzie zroblena?
Praduhledžany demantaž dapamožnych pamiaškańniaŭ Teatra-studyi kinaakciora (składskich, administracyjnych, hrymiornych), raźmieščanych pad styłabatam budynka, i pieraprafilavańnie teatralnaj zały pad demanstracyju kino.
Taksama vykanajuć uzmacnieńnie niekatorych apornych kanstrukcyj, zamieniać inžyniernyja sietki, dach, vitražy. Za košt rekanstrukcyi ŭnutranaj prastory kolkaść załaŭ pavialičycca ź dźviuch da čatyroch, jany buduć raźličany na 654, 233, 48 i taksama 48 miescaŭ. Akramia hetaha, u budynku zapłanavany bar, faje, kasavy viestybiul, harderob, słužbovyja pamiaškańni. Azdableńnie ŭsich prastor vykanajuć z vykarystańniem vysakajakasnych ajčynnych materyjałaŭ.
A voś zvykłaje abličča kinateatra praktyčna nie źmienicca. Pa prajekcie praduhledžana ciepłavaja reabilitacyja budynka ź vientylavanymi fasadami. Dla vonkavaha azdableńnia vykarystajuć kieramahranitnyja vialikija plity, jakija imitujuć koler i malunak pryrodnaha marmuru.
Abnoviać i ŭparadkavańnie prylehłaj terytoryi: adramantujuć fantany, tratuarnaje i plitkavaje pakryćcio, zrobiać novyja leśvicy zamiest demantavanych, pastaviać novyja małyja architekturnyja formy, zrobiać kvietnik i vysadziać kusty.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary