89-hadovaja Safi Łaren pieraniesła ekstrannuju apieracyju paśla padzieńnia ŭ vannym pakoi
Lehienda suśvietnaha kino atrymała niekalki surjoznych pierałomaŭ roznych častak ściahna i kostki ściahna.
Italjanskaja aktrysa Safi Łaren pieraniesła terminovuju apieracyju paśla padzieńnia ŭ vannym pakoi ŭ svaim domie ŭ Šviejcaryi, paviedamlaje Bi-bi-si.
89-hadovaja aktrysa atrymała niekalki surjoznych pierałomaŭ roznych častak ściahna i kostki ściahna, paviedamiła ahienctvu PA jaje impresarya Andrea Džuści.
Jana taksama paćvierdziła, što abodva syny aktrysy, Karła i Edaarda Ponci, znachodziacca pobač z maci.
Džuści paviedamiła, što apieracyja prajšła dobra. «Ciapier joj treba adpačyć, i ŭsio abydziecca», — dadała jana.
Łaren, jakaja naradziłasia ŭ biednaj siamji ŭ Nieapali, stała halivudskaj zorkaj, atrymaŭšy ŭ 1962 hodzie premiju «Oskar» za film Vitorya De Sika «Dźvie žančyny» (La Ciociara), jaki raspaviadaŭ historyju pra zhvałtavańnie žančyny ŭ vajenny čas.
Heta była pieršaja karcina nie na anhlijskaj movie, jakaja ŭdastoiłasia «Oskara».
Łaren zdymałasia ŭ filmach z takimi halivudskimi zorkami, jak Marłon Brando, Frenk Sinatra i Kery Hrant.
U 1990 hodzie Łaren atrymała hanarovaha «Oskara» za ŭniosak u kinamastactva, a ŭ 2021 hodzie syhrała ŭ filmie «Budučaje žyćcio», źniatym synam Łaren Edaarda, jaki vysoka acanili krytyki.
Zorka źniałasia ŭ roli žančyny, jakaja pieražyła Chałakost, što pasiabravała z 12-hadovym sieniehalskim imihrantam.
«Niebaraki» Jorhasa Łancimasa atrymali «Załatoha lva» na Vieniecyjanskim kinafiestyvali
«Dla mianie ŭsio adnaznačna». Ihar Sihoŭ, seks-simvał biełaruskaha kino, skončyŭ zdymacca ŭ Rasii i pracuje taksistam
Vyjšaŭ treci siezon «Zabojstvaŭ u adnym budynku» — detektyva, u jakim źmiešanyja kłasika i sučasnaść. U im źniałasia i Merył Stryp
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»5
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary