Vyniesieny prysud kiroŭcu MAZa, abvinavačanaha ŭ hibieli 13 čałaviek u DTZ pad Smalavičami
Abvinavačany ŭ hibieli 12 pasažyraŭ i vadziciela maršrutki ŭ DTZ pad Smalavičami Uładzimir Hrynienka pryhavorany da 7 hadoŭ kałonii, pieradaje BIEŁTA.
Pa materyjałach spravy, vadziciel MAZa 20 lutaha 2023 hoda kala 14:55 pry pieravozcy hruzu ŭ Smalavickim rajonie straciŭ mahčymaść kiravańnia i vyjechaŭ na pałasu sustrečnaha ruchu. Samazvał sutyknuŭsia z maršrutnym mikraaŭtobusam Citroen, jaki jechaŭ nasustrač.
U vyniku DTZ, jakoje adbyłosia 20 lutaha, vadziciel mikraaŭtobusa i 12 pasažyraŭ, ź ich dvoje dziaciej 2009 i 2011 hadoŭ naradžeńnia, zahinuli, siami pasažyram naniesieny ciažkija cialesnyja paškodžańni.
MAZ, jaki, zhodna z materyjałami spravy, byŭ technična niaspraŭnym, naležyć filijału «Aŭtamabilny park №20» AAT «Minabłaŭtatrans» (Červień). Pra adkaznaść jaho kiraŭnictva ničoha nie paviedamlajecca.
Abvinavačany poŭnaściu pryznaŭ svaju vinu, piša BIEŁTA.
Šmatlikija iskavyja patrabavańni ab spahnańni kampiensacyi maralnaj škody, a taksama patrabavańni ab spahnańni raschodaŭ na akazańnie jurydyčnaj dapamohi buduć pieradadzieny na razhlad u paradku hramadzianskaha sudavodstva.
Pryhavor nie ŭstupiŭ u siłu, jon moža być abskardžany i apratestavany.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»25
Kamientary