U Biełarusi rychtujuć narmatyŭnuju bazu, jakaja dazvolić sudam vynosić rašeńni pra časovuju kanfiskacyju transpartu ŭ niadobrasumlennych pieravozčykaŭ. Pra heta paviedamiŭ pieršy namieśnik načalnika Transpartnaj inśpiekcyi Mintransa Juryj Kaściuk.
Pa słovach čynoŭnika, u krainie ŭžo daŭno viadziecca padrychtoŭka narmatyŭnaha akta, jaki dazvalaje zabirać transpartnyja srodki ŭ niadobrasumlennych fizičnych asob i kampanij, jakija zajmajucca pieravozkaj pasažyraŭ.
Kanfiskacyja aŭtamabila nie budzie poŭnaj, prosta sud u jakaści prafiłaktyčnaj miery prymie rašeńnie: zabrać u parušalnika mašynu na peŭny termin.
«Heta robicca nie dla taho, kab stvaryć pieravozčykam prablemy, a kab uparadkavać dziejnaść tych, chto zajmajecca niadobrasumlennaj kankurencyjaj, u tym liku ekanomiačy na biaśpiecy», — padkreśliŭ Juryj Kaściuk.
Čynoŭniki ščylna zanialisia hetaj prablemaj paśla niekalkich hučnych avaryj z udziełam maršrutnych taksi. U samaj bujnoj ź ich, jakaja adbyłasia 20 lutaha pad Smalavičami, zahinuła 11 čałaviek. Paśla hetaha ŭłady inicyjavali maštabnyja pravierki pieravozčykaŭ.
Kamientary