Novaja statystyka Nacbanka pakazvaje, što ŭ dalaravym ekvivalencie abjom impartu pa artykule «Pajezdki» krychu vyras.
Impart pasłuh pa artykule «Pajezdki» i pa pasłuhach pasažyrskaha transpartu skłaŭ zhodna z vynikami druhoha kvartała 35,5 młn dalaraŭ, jak vynikaje z novaj statystyki Nacbanka Biełarusi.
U pieršym kvartale hety pakazčyk byŭ 34 młn dalaraŭ. Dla paraŭnańnia: u 2022 hodzie ŭ pieršym kvartale — 25,5 młn dalaraŭ, u druhim — 29,9 młn, u trecim — 28,7 młn, u čaćviortym — 26,6 młn.
Supastaŭnyja ź ciapierašnim uzroŭniem pakazčyki byli ŭ studzieni—sakaviku i kastryčniku—śniežni 2020 hoda — 32,2 młn i 30,2 młn adpaviedna. U 2019 hodzie ŭ trecim i čaćviortym kvartałach vydatki byli jašče bolšyja — 42,9 młn i 44,4 młn.
Hetyja sumy adlustroŭvajuć nie tolki apłatu pajezdak na transparcie za miažoj, ale i ŭ cełym vydatki žycharoŭ Biełarusi ŭ inšych krainach. Siudy ŭklučajucca jak turystyčnyja pajezdki, tak i dziełavyja kamandziroŭki. Pry hetym Nacbank nie ŭdakładniaje, pra jakija mienavita krainy idzie havorka.
Apublikavany taksama i danyja ab eksparcie pa artykule «Pajezdki». Hety artykuł achoplivaje vydatki žycharoŭ inšych krain u Biełarusi. U pieršym kvartale suma takich vydatkaŭ skłała 3,5 młn, a ŭ druhim — 3,6 młn dalaraŭ. Hety pakazčyk nie mocna adroźnivajecca ad taho, što byŭ u minułym hodzie, kali kvartalny abjom vahaŭsia ad 3,4 młn da 3,9 młn dalaraŭ.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami14
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary