Turystam daviadziecca płacić za prahułku pa horadzie. Zajcaŭ buduć štrafavać.
U 2024 hodzie luby turyst, jaki vyrašyć pryjechać na adzin dzień u Vieniecyju, pavinien budzie zapłacić turystyčny padatak. Takaja miera źjaŭlajecca sprobaj zmahacca z praźmiernym turyzmam. Pra heta niadaŭna paviedamiła ahienctva Euronews sa spasyłkaj na ŭłady horada.
Płatu za vizit u horad źbiralisia ŭvieści jašče ŭ pačatku 2023 hoda, adnak tady ŭłady pabajalisia niehatyŭnaha ŭpłyvu na dachody ad turyzmu. Ale ciapier ab prablemie vialikaj kolkaści turystaŭ zahavaryli znoŭ, tamu sistemu braniravańnia kvitkoŭ na pryjezd u Vieniecyju buduć teściravać užo viasnoj-letam 2024 hoda. Kančatkovaje ŭviadzieńnie takich mier čakajecca ŭ vieraśni nastupnaha hoda.
«Vandroŭniki, jakija žadajuć naviedać Vieniecyju, buduć abaviazanyja zarehistravacca zahadzia i zapłacić 5 jeŭra. Havorka, adnak, idzie pra vizity na adzin dzień, a tyja, chto płanuje zastavacca ŭ horadzie na noč, płacić za ŭjezd nie buduć. Ad płaty za naviedvańnie Vieniecyi buduć taksama vyzvalacca žychary rehijona Vienieta, studenty i tyja, chto pryjazdžaje da svajakoŭ», — patłumačyła ahienctva Euronews.
Akramia taho, abaviazkovaja rehistracyja i apłata budzie raspaŭsiudžvacca na tych, chto choča naviedać najbližejšyja astravy Burana i Murana. Dla ekskursii na niekalki astravoŭ budzie dastatkova adnaho kvitka.
Haradskija ŭłady śćviardžajuć, što kolkaść turystaŭ abmiažoŭvać nie stanuć, adnak u turystyčny siezon, vierahodna, płata za vizit u italjanski horad stanie bolšaj.
Dla taho, kab nabyć kvitok u Vieniecyju, treba budzie pierajści na admysłovy sajt (jon pakul jašče nie stvorany) i zabraniravać vizit. Pa skančeńni pracedury turyst atrymaje QR-kod u jakaści kvitka. Pa ŭsim histaryčnym horadzie buduć stajać kantralory, praviarajučy najaŭnaść kvitkoŭ.
Miascovyja ŭłady ŭ tym liku razhladajuć ustalavańnie turnikietaŭ na vakzale i ŭ inšych šmatludnych miescach horada. Tym, chto vyrašyć ryzyknuć i prahulacca pa Vieniecyi biez kvitkoŭ, budzie pahražać štraf ad 50 da 300 jeŭra.
Čytajcie taksama:
Italija prypyniła dziejańnie prahramy vydačy viz biełarusam i rasijanam za inviestycyi
Znajšli samy staražytny łaz dla katoŭ u śviecie
Viadomaje i mnohimi lubimaje vino Prasieka moža całkam źniknuć z-za hłabalnaha paciapleńnia
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary
tilki
sabrałasia ŭ Vianiecyju za tuvaletnaj bamahaj
jak na tabie (