Viadomaje i mnohimi lubimaje vino Prasieka moža całkam źniknuć z-za hłabalnaha paciapleńnia
Lubicie bavić čas z kielicham Prasieka ci Hran Kru? Užo nieŭzabavie my možam pazbavicca mahčymaści pić hetyja napoi. Usio z-za dehradacyi hleby ŭ hornych rajonach płaniety (dzie vyroščvajucca patrebnyja sarty vinahradu) i častych pieramienaŭ nadvorja.
Italjanskija navukoŭcy ličać, što źmiena klimatu pahražaje źniknieńniem Prasieka i inšych papularnych jeŭrapiejskich vinaŭ, pieradaje Euronews.
«Vinahrad, ź jakoha robicca hetaje vino, raście ŭ hornych rajonach Italii. Jon mienšy pamieram, jahady mienš vadzianistyja i majuć toŭstuju skurku. Heta nadaje napoju asablivy smak i intensiŭny vodar.
Adnak uradžajnaść jahad štohod źnižajecca praz spałučeńnie takich faktaraŭ, jak ekstremalnyja ŭmovy nadvorja, dehradacyja hleby i adtok z-za hetaha adtul nasielnictva, to-bok stratu pracoŭnaj siły dla vyroščvańnia i zdabyčy peŭnych vidaŭ vinahradu», — paviedamlaje Euronews sa spasyłkaj na italjanskich navukoŭcaŭ.
Ciapierašnija ŭmovy nadvorja, jakija źviazvajuć z hłabalnym paciapleńniem, uskładniajuć žyćcio vytvorcam vinaŭ. Mocnyja praliŭnyja daždžy ŭ tych rajonach spryjajuć erozii hleby i vyklikajuć spaŭzańnie ziamli pad vinahradnikami ŭ Paŭnočnaj Italii.
Hetaj viasnoj na italjanskija vinahradniki abrynulisia mahutnyja liŭni i hrad, a zatym nastupiła śpiakota, što parušyła praces farmavańnia nieabchodnych sartoŭ vinahradu.
Prahnozy nie suciašajuć: z-za rezkich pahodnych vahańniaŭ i źmienaŭ klimatu ŭradžaj vinahradu ŭ Italii skarocicca na 20% (pry hetym popyt na Prasieka ŭ śviecie vielizarny — za piać hadoŭ jon pavialičyŭsia bolš čym na 33%).
Akramia Prasieka, pad pahrozaj mohuć apynucca i inšyja hatunki vinaŭ: Burgundy, Grand Cru i Cabernet Sauvignon.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu29
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1414
Kamientary