Rasija, imavierna, rychtujecca da abstrełaŭ ukrainskaj infrastruktury zimoj — raźviedka Brytanii
Rasija atakavała ŭkrainskuju enierhietyčnuju infrastrukturu z kastryčnika 2022 hoda pa sakavik 2023 hoda.
U Ministerstvie abarony Vialikabrytanii čakajuć, što Rasija zimoj budzie nanosić rakietnyja ŭdary pa enierhietyčnaj infrastruktury Ukrainy, jak i letaś, paviedamlaje «Ukrainskaja praŭda» sa spasyłkaj na raźviedku Vialikabrytanii.
U brytanskaj raźviedcy nahadali, što Rasija atakavała ŭkrainskuju enierhietyčnuju infrastrukturu z kastryčnika 2022 hoda pa sakavik 2023 hoda. Dla ŭdaraŭ RF u asnoŭnym vykarystoŭvała rakiety Ch-101 (AS-23 KODIAK), jakija zapuskała stratehičnaja avijacyja z rasijskaj terytoryi.
U viedamstvie, spasyłajučysia na danyja z adkrytych krynic, padkreślili, što z krasavika 2023 hoda Rasija stała mienš raschodavać kryłatych rakiet pavietranaha pusku, u toj čas jak rasijskija lidary padkreślili namahańni, nakiravanyja na pavieličeńnie tempaŭ vytvorčaści takoha ŭzbrajeńnia.
«Tamu Rasija, vierahodna, zdolnaja stvaryć značnyja zapasy kryłatych rakiet pavietranaha pusku. Isnuje realnaja mahčymaść taho, što Rasija znoŭ budzie vykarystoŭvać hetuju zbroju suprać ukrainskich infrastrukturnych abjektaŭ zimoj», — havorycca ŭ paviedamleńni.
Kamientary