Na terytoryi zakaźnika «Sporaŭski» vypuścili statak turaŭ
U Bresckaj vobłaści ŭ zakaźniku «Sporaŭski» źjavilisia novyja žychary — na volny vypas vypuścili 13 turaŭ, piša bereza.by.
Dyrektar zakaźnika Vadzim Pratasievič rastłumačyŭ, što tury trapili ŭ zakaźnik praz dva hady paśla taho, jak patrapili ŭ Biełaruś.
Spačatku žyvioł pryvieźli ŭ Biełaruś z Łatvii, ale dva hady tury žyli pobač z Turavam na śpiecyjalnym vostravie. I tolki ciapier ich pieravieźli ŭ zakaźnik.
Da statka z 13 turaŭ chutka dadaducca jašče 11, jakija pakul źmieščanyja na karancin.
Akramia taho, u najbližejšyja miesiacy ŭ zakaźnik padsielać statak tarpanapadobnaha kania — kala 25 žyvioł. Dla ich pieratrymki i adaptacyi da zakaźnika pabudujuć valjer na 5,1 hiektara.
«Hałoŭnaj pryčynaj zasialeńnia turaŭ i tarpanapadobnych koniej u zakaźniku źjaŭlajecca adnaŭleńnie ŭnikalnaj pryrodnaj bijaraznastajnaści», — rastłumačyŭ dyrektar zakaźnika.
Jany, pavodle zadumy, buduć «žyvymi kasiłkami» dla pryrody zakaźnika, dapamohuć spynić karoziju hleby, pryviaduć u paradak zarosłyja terytoryi.
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika2
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu44
Kamientary
heta typu dobra
a jak jany razmnažacca płanujuć? na tryde pryntary?