U Biełaviežskaj puščy raskazali, jak i dzie žyvuć barsuki
U Nacyjanalnym parku navukoŭcy pravodziać ulik hetych simpatyčnych žyvioł, piša BiełTA.
Supracoŭniki navukovaha adździeła Nacyjanalnaha parku pravodziać ulik barsukoŭ, vykarystoŭvajučy mietad vyjaŭleńnia žyłych pasieliščaŭ.
U svajoj nary hety źviarok žyvie ceły hod, u adroźnieńnie ad inšych nornych drapiežnikaŭ.
«Zvyčajna ŭlik nornych drapiežnikaŭ pavinien pravodzicca adzin raz na try hady. Pakul što z 90 pasieliščaŭ barsuka ŭ Biełaviežskaj puščy (danyja invientaryzacyi 2019-2020 hadoŭ) abśledavana bolš za 50, ź jakich žyłych — bolš za 30», — raspaviali ŭ Nacparku.
Manitorynhavyja nazirańni praciahnucca. Kančatkovyja vyniki invientaryzacyi barsukovych pasieliščaŭ navukoŭcy atrymajuć da kanca hetaha hoda. Taki ŭlik vielmi važny dla praviadzieńnia achoŭnych mierapryjemstvaŭ u miescach pražyvańnia čyrvanaknižnych žyvioł.
Barsuk viadzie padziemny ład žyćcia. Hetyja drapiežniki mohuć vyryć nory z mnostvam adhalinavańniaŭ, za što čaściakom ich jašče nazyvajuć barsučynymi miastečkami.
U takim žylli byvaje niekalki ŭvachodaŭ, a na hłybini 2-3 mietraŭ raźmiaščajucca hniezdavyja kamiery, dzie ŭ źviarkoŭ naradžajecca patomstva, dzie jany adpačyvajuć ci prosta śpiać.
Uviesnu i ŭvosień barsuki robiać u svaich norach hienieralnuju ŭborku, asabliva staranna rychtujucca da zimovaj śpiački. Darečy, napiaredadni zimy jany ŭzmocniena siłkujucca, kab nazapasić u arhaniźmie tłušč.
U kastryčniku-listapadzie barsuki ŭpadajuć u śpiačku, jakaja doŭžycca čatyry-piać miesiacaŭ.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary