Źbirajuć hrošy na apracoŭku videaarchiva vandroŭnicy i źbiralnicy falkłoru Michaliny Okuń
Biełaruskaja daśledčyca i źbiralnica falkłoru Michalina Okuń z-za danosu «infakazački» Volhi Bondaravaj była vymušana ŭletku pakinuć Biełaruś. Siońnia niastomnaja vandroŭnica pa Biełarusi, jakaja amal kožnyja vychadnyja jeździła aŭtaspynam u roznyja kutočki krainy i zdymała na videa narodnyja abrady, relihijnyja śviaty, falkłornyja festy, biełaruskija tancy, śpievy, maje patrebu ŭ dapamozie.
Michalina Okuń raskazała svaju historyju na Bysol.org. Źbiralnica falkłoru siońnia apynułasia ŭ Polščy, bo na radzimie jaje pačało šukać KDB.
«Cudam mnie atrymałasia vyvieźci siudy i moj fota-videaarchiŭ. Duža chacieła b zaniacca jaho apracoŭkaj, bo šmat chto maje da jaho cikavaść, u tym liku prafiesijnyja falkłarysty. Chaciełasia b zrabić svoj sajt, jutub-kanał, fotavystavy, a taksama maju ideju vydać paštoŭki ź biełaruskimi viaskovymi krajavidami. Dziela hetaha mnie patrebny dobry noŭtbuk», — raskazvaje pra svaje płany ŭ novaj krainie žančyna.
Ale pakul Michalinie treba zakryć asnoŭnyja patreby — źniać pakoj, dzie jana mahła b zajmacca apracoŭkaj archiva.
U siecivie siońnia adkryty zbor, jaki musić dapamahčy biełaruscy ŭ biadzie, i ŭ tym liku zachavać unikalnyja materyjały, jaki spadarynia Michalina źbirała na praciahu hadoŭ.
Dapamahčy možna pa spasyłcy.
Hrošy, sabranyja padčas marafonu «Nam nie ŭsio adno!», pačali pastupać inicyjatyvam, jakija dapamahajuć palitviaźniam
U biełarusa-dobraachvotnika Alaksandra Caruka ankałohija. Prosiać dapamohi
Na budoŭli ŭ Varšavie zahinuŭ brat biełaruskaha dobraachvotnika va Ukrainie. Dla pachavańnia na radzimie źbirajuć hrošy
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»14
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2525
Kamientary
Ale nie dajuć pakoju niekatoryja pytańni, jakija raz za razam uźnikajuć da asobnych instytutaŭ, fondaŭ i inicyjatyŭ. Dyk a dzie 2 młn. jeŭra ad Jeŭraparłamientu na padtrymku kultury Biełarusi ŭ vyhnańni? Ci toje, čym zajmajecca spadarynia Michalina nie kultura? A moža varta vydzialić na takuju vydatnuju spravu hrošy z tych 500k, što sabrali ŭžo? Ci płany, mety i vialikija bankaŭskija pracenty z padatkami nie dazvalajuć? Dzie prafiesijanały z abstalavańniem i studyjami, jakich tolki ŭ Varšavie ź dziasiatak. Im taki praekt nie cikavy?