U kancy vieraśnia ŭ Biełarusi projduć maštabnyja vajskovyja vučeńni
Ciapier prachodzić aktyŭnaja padrychtoŭka. Pravodziacca ahlady, na jakich praviarajucca najaŭnaść i stan ryštunku, uzbrajeńnia i vajskovaj techniki.
U kancy vieraśnia ŭ Biełarusi zapłanavana praviadzieńnie dvuchbakovych kompleksnych vučeńniaŭ. Pra heta jašče ŭ kancy žniŭnia paviedamiŭ načalnik Departamienta mižnarodnaha vajskovaha supracoŭnictva Minabarony Valeryj Ravienka. Pa słovach čynoŭnika, ab vučeńniach raniej byli apavieščanyja dziaržavy — udzielnicy ABSIE ŭ ramkach Vienskaha dakumienta 2011 hoda.
Pavodle infarmacyi Biełaruskaha Hajuna, u vučeńniach buduć zadziejničanyja nastupnyja padraździaleńni:
- 6-j miechanizavanaj bryhady;
- 11-j miechanizavanaj bryhady (u tym liku 841-ja Hrupa artyleryi i raźviedvalny bataljon);
- 19-j miechanizavanaj bryhady (u tym liku 191-ja Hrupa artyleryi);
- 120-j miechanizavanaj bryhady;
- 336-j reaktyŭnaj artyleryjskaj bryhady i inš.
Ciapier prachodzić aktyŭnaja padrychtoŭka. Pravodziacca ahlady, na jakich praviarajucca najaŭnaść i stan ryštunku, uzbrajeńnia i vajennaj techniki.
Taksama ŭ padraździaleńniach pravodziacca zaniatki pa prafiłaktycy «niehatyŭnaha infarmacyjnaha ŭździejańnia na asabisty skład», piša Biełaruski Hajun.
Vajskoŭcam davodzicca ałharytm raspaznańnia niedakładnaj infarmacyi (fejkaŭ), a taksama paradak karystańnia sacyjalnymi sietkami i miesiendžarami.
Padraździaleńni 336-j reaktyŭnaj artyleryjskaj bryhady (na ŭzbrajeńni — RSZA «Śmierč» i «Pałanez») užo pačali pieramiaščacca ŭ rajon praviadzieńnia vučeńniaŭ.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary