Hramadstva11

«Dla polskaha naroda jon — hieroj!» Rodnym Andreja Pačobuta ŭručyli miedal 75-hodździa misii Jana Karskaha

10 vieraśnia ŭ Lublinie asudžanaha na vosiem hadoŭ biełaruskaha žurnalista Andreja Pačobuta ŭšanavali miedalom 75-hodździa misii Jana Karskaha. Uznaharodu za palitviaźnia atrymaŭ jaho brat Stanisłaŭ, piša BAŽ sa spasyłkaj na Polskaje radyjo.

Andrej Pačobut padčas suda. Fota: BiełTA

Padčas cyrymonii Stanisłaŭ Pačobut raspavioŭ, što chacieŭ by, kab hety miedal asabista atrymaŭ jahony brat:

— Ja nie adčuvaju siabie vartym atrymać hety miedal, u hałavie ŭvieś čas kruciacca dziŭnyja dumki, što Andrej zabraŭ by jaho lepš. Ja nie zrablu heta tak dobra, jak jon, — rasčulena skazaŭ Stanisłaŭ Pačobut. — Nadzieja zaŭsiody pamiraje apošniaj, my vierym, što ŭrešcie mury abrynucca i ŭsie vyjduć. U Biełarusi ciapier bolš za 1500 pryznanych palitźniavolenych i amal stolki ž niepryznanych, jakija nie źviarnulisia pa dapamohu i nie skazali, za što znachodziacca ŭ turmie, — skazaŭ Stanisłaŭ.

Na hanarovaj imprezie prysutničaŭ Pavieł Łatuška.

— Adnym z tych, kaho sprabuje złamać režym Łukašenki, źjaŭlajecca Andrej Pačobut. Dla biełaruskaha naroda jon — hieroj. Dla polskaha naroda jon — hieroj. Jon naš ahulny hieroj! Heta toj čałaviek, jaki simvalična abjadnoŭvaje nas siońnia ŭ baraćbie suprać dyktatury i tyranii, — padkreśliŭ biełaruski palityk.

Nahadajem, što tavarystva Jana Karskaha vyrašyła adznačyć Andreja Pačobuta, kab vykazać salidarnaść sa źniavolenym žurnalistam. Samo rašeńnie ab uznaharodžańni treba rasceńvać jak reakcyju na cisk, jaki zaznaje Andrej u navapołackaj kałonii.

Andrej Pačobut byŭ zatrymany 25 sakavika 2021 hoda ŭ Hrodnie pa tak zvanaj «polskaj spravie» razam ź inšymi aktyvistami Sajuza palakaŭ Biełarusi.

Za artykuł pra napad SSSR na Polšču ŭ vieraśni 1939-ha Andžeja Pačobuta abvinavacili ŭ «raspalvańni varožaści pa nacyjanalnaj prykmiecie».

U publikacyi Pačobut nazvaŭ ahresijaj napad SSSR na Polšču 17 vieraśnia 1939 hoda. Taksama ŭ materyjałach kryminalnaj spravy fihuravali zajavy žurnalista ŭ abaronu polskaj mienšaści ŭ Biełarusi, artykuł pra padaŭleńnie biełaruskich pratestaŭ u 2020 hodzie i tekst ad 2006 hoda pra adnaho z kamandziraŭ polskaha antykamunistyčnaha padpolla na Hrodzienščynie.

8 lutaha 2023 hoda ŭ abłasnym sudzie Hrodna sudździa Dźmitryj Bubienčyk pryhavaryŭ žurnalista da 8 hadoŭ pazbaŭleńnia voli z adbyvańniem u kałonii ŭzmocnienaha režymu.

Miesiac tamu Andreja pieraviali sa śledčaha izalatara ŭ papraŭčuju kałoniju № 1 u Navapołacku.

U kastryčniku 2022 hoda KDB unios Andreja Pačobuta ŭ śpis terarystaŭ. Sioleta 23 červienia proźvišča žurnalista-palitviaźnia źjaviłasia i na sajcie MUS RB u pieraliku hramadzian, jakija «majuć dačynieńnie da ekstremisckaj dziejnaści».

Uvieś čas znachodžańnia pad vartaj žurnalistu zabaronienyja spatkańni sa svajakami, jahonyja listy cenzurujucca i błakujucca ŭ pierapiscy navat z synam. Ciaham bolš jak dvuch hadoŭ za kratami Andrej Pačobut adčuvaŭ pastajanny cisk. Tym nie mienš, jon nieadnarazova adchilaŭ prapanovy vyzvaleńnia ŭ abmien na prośbu ab pamiłavańni i adjezd ź Biełarusi.

Za kratami znachodziacca 33 biełaruskija žurnalisty, niekatoryja ź ich asudžanyja na vielizarnyja navat pa łukašenkaŭskich realijach terminy.

Kamientary1

  • Mazurka
    11.09.2023
    Ja ahułam nia viedaju čamu palaki jašče ceremoniacca. Ŭziali b tak sama adnahoi ŭpiakli pokul na abmien nie pahodziacca

Ciapier čytajuć

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Usie naviny →
Usie naviny

Miadzinski choča adpravić hiensaku NATA padručnik historyi, kab dakazać, što «Ukrainy ŭ XII stahodździ nie było»15

U Estonii supracoŭnicu «Rasii siehodnia» asudzili na šeść hadoŭ za dziaržzdradu2

Jašče adno vialikaje skaračeńnie ŭ biełaruskim hiejmdevie2

Bolš za 50 jeŭra za 180 km darohi. Čamu rastuć ceny na aŭtobusnyja kvitki ź Miensku ŭ Vilniu12

Nie ihnarujcie hetyja źmieny skury — jany mohuć śviedčyć pra pačatak dyjabietu6

Pasoł Vienhryi pa-majstersku syhrała na arhanie ŭ kaściole ŭ Mahilovie3

Prezident Sierbii Vučyč upieršyniu z pačatku vajny naviedae Ukrainu1

Aŭtobus z 22 pasažyrami, mikraaŭtobus i lehkavy aŭtamabil patrapili ŭ DTZ na trasie M-1 u Baranavickim rajonie. Jość zahinuły1

Samy papularny tyktok-błohier u śviecie, jaki vyśmiejvaje biazhłuzdyja łajfchaki, vydvarany z ZŠA jak nielehał7

bolš čytanych navin
bolš łajkanych navin

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić