Dva hady tamu Maryju Kaleśnikavu i Maksima Znaka asudzili na hihanckija terminy. Užo niekalki miesiacaŭ pra ich niama nijakich źviestak
Pradstaŭnikoŭ štaba eks-pretendenta ŭ prezidenty Viktara Babaryki zatrymali roŭna try hady tamu, śledstva i sud zaniali ŭ sumie hod.
6 vieraśnia 2021 hoda ŭ sudzie Minskaha rajona byŭ vyniesieny prysud Maryi Kaleśnikavaj i Maksimu Znaku. Ich pryznali vinavatymi pa troch artykułach Kryminalnaha kodeksa: zmova z metaj zachopu ŭłady, zakliki da dziejańniaŭ, skiravanych na pryčynieńnie škody nacyjanalnaj biaśpiecy, stvareńnie ekstremisckaha farmavańnia albo kiraŭnictva im.
Maryju Kaleśnikavu zatrymali 8 vieraśnia 2020 hoda paśla taho, jak jana admoviłasia vyjazdžać va Ukrainu. Maksima Znaka zatrymali 9 vieraśnia 2020 hoda ŭ ofisie štaba Babaryki.
Maryja Kaleśnikava i Maksim Znak byli tvaram vybarčaj kampanii Viktara Babaryki. Jany dałučylisia da jaho kamandy ŭ mai 2020 hoda — prychodzili na padaču dakumientaŭ u CVK, kamientavali biahučyja padziei.
Sud nad Maksimam i Maryjaj raspačaŭsia 4 žniŭnia 2021 hoda. Jon byŭ zakrytym. Im stavili ŭ vinu złačynstvy pa troch artykułach Kryminalnaha kodeksa:
— č. 1 art. 357 — zmova abo inšyja dziejańni, učynienyja z metaj zachopu abo ŭtrymańnia dziaržaŭnaj ułady niekanstytucyjnym šlacham (da 12 hadoŭ pazbaŭleńnia voli);
— č. 3 art. 361 — zakliki da dziejańniaŭ, skiravanych na pryčynieńnie škody nacyjanalnaj biaśpiecy (da 5 hadoŭ pazbaŭleńnia voli);
— č. 1 art. 361-1 — stvareńnie ekstremisckaha farmavańnia abo kiraŭnictva im (da 7 hadoŭ pazbaŭleńnia voli).
U vyniku Maryju Kaleśnikavu pakarali 11 hadami kałonii, Maksimu Znaku dali 10 hadoŭ.
Dvuma miesiacami raniej, 6 lipienia 2021 hoda, Viktar Babaryka byŭ asudžany na 14 hadoŭ źniavoleńnia.
Ad hetaj viasny ad usich troch niama nijakich źviestak.
-
Vučebka ŭ Pskovie, abiacańnie anulavać kredyty i sudzimaści, ale ni słova pra samaje važnaje. Jak biełarusaŭ viarbujuć na vajnu
-
U Breście viernicu adpravili ŭ izalatar za vielikodnyja razmovy ź minakami na vulicy
-
Siamiejnaj pary rabotnikaŭ dziciačaha sadka dali za «zdradu dziaržavie» i «kantrabandu zbroi» 12 i 14 hadoŭ. Voś što kažuć siabry siamji
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary