Muzykantu, jaki praśpiavaŭ adzin z chitoŭ «Šreka», zastałosia žyć siem dzion
Surjoznaja chvaroba pryhavaryła lidara rok-hurta Smash Mouth da śmierci.
Frantmienu i adnamu z zasnavalnikaŭ amierykanskaha hurta Smash Mouth Styvu Charvełu zastałosia žyć usiaho niekalki dzion. Usiamu vinoj surjoznaje zachvorvańnie ŭ muzyki, piša vydańnie Entertainment Weekly.
Pavodle infarmacyi vydańnia, 56-hadovy artyst znachodzicca na apošniaj stadyi chvaroby, źviazanaj ź piačonačnaj niedastatkovaściu. Praz zachvorvańnie Charvełu zastałosia žyć «tydzień abo kala taho».
Krychu raniej rokiera vypisali z balnicy, ciapier jon znachodzicca doma siarod blizkich i siabroŭ, jakija płanujuć raźvitacca ź im ciaham najbližejšych troch dzion.
Dziesiać hadoŭ tamu Charvełu dyjahnastavali kardyjamijapatyju — zachvorvańnie, pry jakim serca nie spraŭlajecca ź pierapampoŭvańniem kryvi. Z-za chvaroby ŭ muzykanta raźviłasia sardečnaja niedastatkovaść, a taksama encefałapatyja Viernikie, jakaja niehatyŭna adbiłasia na jaho pamiaci i maŭleńni.
Akramia taho, artyst doŭhi čas zmahaŭsia z ałkaholnaj zaležnaściu. U 2021 hodzie Charveł pakinuŭ hrupu Smash Mouth. Heta adbyłosia paśla kancerta ŭ Ńju-Jorku, na jakim vykanaŭca nie zmoh vyrazna vykazacca na scenie i abmaciukaŭ hledačoŭ. Imavierna, takija pavodziny byli źviazanyja z čarhovym prystupam praz prablemy sa zdaroŭjem.
Kamientary
Enciefałopatija Viernikie eto sostojanije vyzvannoje dlitielnym ałkoholizmom, i piečienočnaja niedostatočnosť vyzvannaja cirrozom piečieni tožie.
Jeśli by nie ałkoholizm, jemu by pieriesadili piečień ot donora, i on by žił jeŝie.