Samy papularny błohier usiaho jutuba zładziŭ ułasnyja «alimpijskija hulni» i trapiŭ u skandał praz kartu z Krymam u składzie Rasii i nie tolki
U sacsietkach raskrytykavali MrBeast — samaha papularnaha błohiera jutuba — za kartu śvietu ŭ jaho apošnim roliku, jaki vyjšaŭ 19 žniŭnia. Na joj akupavany Krym uvachodzić u skład Rasii, piša «Mieduza».
Błohier, jaki pastajanna ładzić maštabnyja i darahija spabornictvy pamiž svaimi padpisčykami, pravioŭ spartyŭny turnir — jak śćviardžaje jon sam, u im uziali ŭdzieł pradstaŭniki absalutna ŭsich krain śvietu.
«Alimpijskija hulni», jak ich nazyvaje sam MrBeast, składalisia ź piaci etapaŭ: bieh ź pieraškodami, himnastyka, stralba z łuka, fiechtavańnie i pienalci.
Turnir prachodziŭ u ZŠA, pieramožcu błohier paabiacaŭ pryz u 250 tysiač dołaraŭ. Pavodle jaho słoŭ, rolik abyšoŭsia bolš čym u čatyry miljony dalaraŭ. U hetuju sumu, sudziačy z usiaho, uvachodzić i arhanizacyja turniru, i ŭładkavańnie spartyŭnych placovak, i zdymki, i pryzavy fond, adnak sam MrBeast detalaŭ nie ŭdakładniaŭ.
Za dva dni videa nabrała bolš za 73 miljony prahladaŭ. Ciapier rolik zajmaje pieršaje miesca ŭ raździele jutuba «ŭ trendzie».
U «hulniach» udzielničali padpisčyki MrBeast z Rasii i Ukrainy (chto jany — nieviadoma; pieramoh u turniry pradstaŭnik Livii). Pry hetym błohier nie ŭličyŭ, što paśla pačatku vajny Rasiju nie dapuskajuć da mižnarodnych spabornictvaŭ — a rasijskija spartsmieny na ich kali i vystupajuć, to pad niejtralnym ściaham.
Aŭtar adnaho z najbujniejšych navinavych telehram-kanałaŭ va Ukrainie «Łačien pišiet» Ihar Łačankaŭ adznačyŭ:
«Kraina, jakaja abstrelvaje ŭkrainskija harady i zabivaje ŭkraincaŭ, nie pavinna być pradstaŭlena ŭ jakim-niebudź šou abo spartyŭnym spabornictvie, pakul [jaje vajennyja] zabivajuć ludziej u inšaj krainie. Bolš za toje — litaralna siońnia Rasija atakavała balistyčnaj rakietaj centr ukrainskaha Čarnihava, zabiŭšy siem čałaviek, uklučajučy dzicia, i paraniŭšy 129 čałaviek».
Chod usiaho turniru demanstravaŭsia na karcie, dzie kamanda MrBeast pakazała Krym u składzie Rasii, jakaja akupavała paŭvostraŭ u 2014 hodzie.
Hey @MrBeast, in the beginning of the 2022, you've done video on your channel about philanthropy and how you and your team helped Ukraine.
Now, in your new video you mark Crimea as part of russia. This is fuckup. https://t.co/4qMyyMGiMf
«Pryvitańnie, MrBeast, u pačatku 2022-ha ŭ roliku na tvaim kanale ty raskazvaŭ, jak tvaja kamanda dapamahaje Ukrainie. Ciapier ty pakazaŭ Krym častkaj Rasii. Heta kašmar».
Uklučeńnie akupavanaha Kryma ŭ skład Rasii — nie adzinaje, što aburyła hledačoŭ.
Siarod inšaha, kamanda MrBeast biez ahavorak abviaściła Kosava niezaležnaj dziaržavaj, a Tajvań — častkaj Kitaja. Afhanistan na karcie pradstaŭleny pad ściaham, jaki vykarystoŭvaje Taliban paśla zachopu krainy, a Hruzija — ściaham štata Džordžyja (nazvy krainy i štata ZŠA vymaŭlajucca adnolkava). Kipr, na dumku jutubiera, kantraluje Tunis, a Hrenłandyja «naležyć» Kanadzie, a nie Danii.
Zrešty, zapadozryć Mr Beast u simpatyjach da rasijskich uładaŭ davoli składana. Błohier z samaha pačatku poŭnamaštabnaj vajny źbiraje hrošy na dapamohu ŭkrainskim uciekačam — i publična daje spravazdaču pra heta. Ci ŭdzielničaŭ sam błohier u stvareńni abo redaktury karty śvietu, nieviadoma. Pakul jon nijak hetaha nie prakamientavaŭ.
Darečy, u hulniach udzielničała i dziaŭčyna ŭ formie z nadpisam «Biełaruś», ale jana vybyła paśla pieršaha vyprabavańnia — pałasy pieraškod.
Šoumien Jaŭhien Bułka, jaki źjechaŭ u Izrail, tanna pradaje svoj zaharadny dom pad Łahojskam
Brytni Śpirs razyšłasia z trecim mužam praz hod paśla viasiella
Ad Zanzibara da Kyrhyzstana. Dzie adpačyvajuć praŭładnyja śpiavački i prapahandysty
Efiektnyja sukienki i skuranaja mini-spadnica. Jak eks-premjerka Finlandyi tusiła na muzfiestyvali
Kamientary