Zatrymali pastara carkvy «Novaje žyćcio» Viačasłava Hančarenku, jaho brali 20 hubazikaŭcaŭ
Pavodle kanała «Chryścijanskaja vizija», u dom pastara jevanhielskaj carkvy «Novaje žyćcio» Viačasłava Hančarenki ŭvarvalisia 20 uzbrojenych supracoŭnikaŭ HUBAZiKa. U domie byŭ praviedzieny pieratrus, Hančarenka i jahony ziać Ilja Budaj byli zatrymanyja.
Carkva «Novaje žyćcio» — heta relihijnaja hramada chryścijan poŭnaha Jevanhiella, kiraŭnictva jakoj i vierniki zdaŭna padviarhajucca pieraśledu z boku ŭładaŭ. U asnoŭnym zmahańnie išło za budynak carkvy na vulicy Kavalova, 72 u Minsku, pieraabstalavany viernikami z byłoha karoŭnika. U lutym 2021 hoda carkvu vysielili z budynka, a niadaŭna jaho pačali raźbirać. Malitoŭnyja schody pravodzili pobač na parkoŭcy.
Sam ža pastar Viačasłaŭ Hančarenka paśla vybaraŭ 2020 hoda asudziŭ hvałt siłavikoŭ na biełaruskich vulicach i zaklikaŭ ułady pakajacca. A ŭ vieraśni 2022 hoda jaho ŭžo zatrymlivali i aštrafavali na 100 bazavych vieličyń.
Dniami carkva atrymała paviedamleńnie, što jaje infarmacyjnuju pradukcyju źbirajucca pryznać «ekstremisckimi materyjałami».
Kamientary