Najstarejšy fatohraf Biełarusi Ivan Ihnatavič Kamar syšoŭ u inšy śviet 12 žniŭnia na 104-m hodzie žyćcia. Siońnia ŭ Navahrudku ładzicca raźvitańnie z dalikatnym i intelihientnym aŭtaram-amataram, jaki try dziesiacihoddi vioŭ cichi fotaletapis žyćcia svajoj vioski — Niańkava, paviedamlaje Reform.by.
Ivan Kamar naradziŭsia ŭ 1920 hodzie i amal usio žyćcio pražyŭ u vioscy Niańkava Navahrudskaha rajona. Jaho baćki — prostyja sialanie Ihnat Parfionavič i Alimpijada Klimienćjeŭna ź vioski Niańkava. Skončyŭ čatyry kłasy viaskovaj škoły (chadziŭ u polskuju), a potym maleńki Ivan vučyŭsia ŭ biełaruskaj škole ŭ Lubčy. U dziacinstvie baćki addali syna ŭ čaladniki da kraŭca z susiedniaj vioski Rakievičy, dzie toj navučyŭsia karystacca ihołkaj.
U 1944 hodzie Ivan Ihnatavič byŭ mabilizavany ŭ Savieckuju Armiju. Adrazu ž byŭ nakiravany va Ukrainu, zatym u zapasny połk, jaki raźmiaščaŭsia ŭ horadzie Oŭruč. Paźniej, jak navabraniec, byŭ nakiravany vajavać u Vienhryju strałkom u rotu PTRK. Tam jon byŭ paranieny. Pieramohu Ivan Ihnatavič sustreŭ u Aŭstryi.
Demabilizavaŭsia budučy fatohraf tolki ŭ 1946 hodzie. U rodnuju viosku Ivan Ihnatavič viarnuŭsia pieššu z Aŭstryi z askołkam u nazie. Potym pracavaŭ u kałhasie, a potym pa śpiecyjalnaści — šyŭ mužčynskaje adzieńnie ŭ bytavym kambinacie ŭ vioskach Niańkova i Pantusavičy.
Svoj pieršy fotaaparat Ivan Ihnatavič zmoh nabyć tolki ŭ 1958 hodzie. Dva svaje zarobki jon addaŭ na novy «Zienit-S» małoha farmatu, ź jakim dalej nie rasstavaŭsia 50 hadoŭ.
U archivie Ivana Ihnataviča bolš za dźvie tysiačy niehatyvaŭ.
Ciapier čytajuć
Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja2
Kamientary