Paźniak napisaŭ adkryty list Łukašenku i Zialenskamu. Prosić abmianiać vajennapałonnych biełarusaŭ na palitviaźniaŭ
List tyčycca abmienu dvuch pałonnych biełarusaŭ, jakija vajavali za Rasiju. Jon prapanavaŭ abmianiać Maksima Ziaziulčyka i Andreja Hieryłoviča na aktyvistku Volhu Załatar i žurnalista Dzianisa Ivašyna. List źmieščany ŭ telehram-kanale palityka.
«Alaksandr Ryhoravič i Uładzimir Alaksandravič, źviartajusia da vas jak da zvyčajnych ludziej, nie ŭžyvajučy vašych aficyjnych tytułaŭ, bo rašeńnie ab spravie, pa jakoj ja źviartajusia, maje pierš za ŭsio maralny charaktar», — havorycca ŭ liście.
Dva pałonnyja hramadzianie Biełarusi (Maksim Ziaziulčyk i Andrej Hieryłovič), jakija byli ŭ rasiejskim vojsku, vajavali suprać Ukrainy i asudžanyja sudom Ukrainy na pazbaŭleńnie voli adpaviedna na 10 i na 9 hadoŭ, źviarnulisia da ŭłady Respubliki Biełaruś z prośbaj abmianiać ich na palitźniavolenych Respubliki Biełaruś.
Prašu vas paspryjać takomu abmienu, uličyć maju prapanovu i pazicyju šmatlikich biełarusaŭ u Polščy. Mienavita: abmianiać pałonnych Maksima Ziaziulčyka i Andreja Hieryłoviča na palitviaźniaŭ u Biełarusi: Volhu Viktaraŭnu Załatar — maci piaciarych niepaŭnaletnich dziaciej, asudžanuju na 4 hady pazbaŭleńnia voli, i žurnalista Dzianisa Jaŭhienaviča Ivašyna, asudžanaha na 13 hadoŭ i 1 miesiac pazbaŭleńnia voli.
Publičny list nie najlepšy sposab u takoj važnaj spravie. Ja nie vałodaju ŭładaj i pa svajmu statusu nie ŭ stanie vykarystać mietady dypłamatyi, prydatnyja ŭ hetym vypadku. Źviartajusia naŭprost, abapirajučysia tolki na svoj aŭtarytet siarod addanych dla Biełarusi ludziej i nie zabyty va Ukrainie.
Taki abmien mahčymy. Jon budzie dobrym dla ŭsich».
«Zyču ščaścia ludziam Biełarusi i ščaścia ludziam Ukrainy, kab budučynia našych narodaŭ była volnaj, śvietłaj, družnaj i pryhožaj», — zakančvaje list Zianon Paźniak.
Pałonnyja biełarusy, jakija vajavali za Rasiju, prosiać abmianiać ich na pałonnych kalinoŭcaŭ abo palitźniavolenych
Va Ukrainie asudzili biełarusa-vahnieraŭca. Jon pajšoŭ na pahadnieńnie ab pryznańni viny i paźbieh maksimalnaha terminu
Ukrainski sud pačaŭ razhladać spravu jašče adnaho pałonnaha biełarusa, jaki vajavaŭ na baku Rasii
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary