Zarablać na bruśnicach stali žychary Hancavickaha i Łuninieckaha rajonaŭ. Mienavita ich ciapier možna sustreć na rynku ŭ Baranavičach ź lasnoj jahadaj. Pradajuć jaje pa canie ad 4 da 5 rubloŭ za litr, piša «Hancavicki čas».
«Ja optam pradavała, dva viadry, kab nie stajać i paśpieć na dyziel. Dyk skinuła canu i addała pa 4 rubli za litr. Dzień pracy — i 96 rubloŭ u kišeni», — raskazała žycharka Hancavičaŭ, piensijanierka Volha Piatroŭna.
Jana skazała, što razam ź joj handlavała žančyna z Łuninieckaha rajona, jakaja padzialiłasia infarmacyjaj, što ŭ ich užo niekatoryja narychtoŭščyki pačali prymać bruśnicy koštam pa 2,5 rubla za kiłahram.
Paćvierdzić abo abvierhnuć hetuju infarmacyju nie atrymałasia. U jahadnych vajbier-čatach jość abjavy tolki pra zakupku malinaŭ, durnicaŭ, ažynaŭ, truskałak.
Zrešty, mahčyma, što masava narychtoŭščyki nie prymajuć bruśnic praz toje, što aficyjny siezon ich narychtoŭki pačniecca krychu paźniej. Tak, z aficyjna apublikavanaha na Nacyjanalnym pravavym internet-partale rašeńnia Bresckaha abłvykankama vynikaje, što źbirać bruśnicy ŭ 2023 hodzie ŭ paŭdniova-zachodnim rehijonie možna budzie tolki z 12 žniŭnia.
Adnak daśviedčanyja jahadniki śćviardžajuć, što ŭ asnoŭnym bruśnicy ŭžo saśpieli i hatovyja da ŭžyvańnia.
«Śpiakota jakaja stajała! Voś tamu jahada ŭ lesie ŭžo śpiełaja, čyrvonaja. Chto ž jaje niaśpiełuju brać budzie? Takuju nie pradasi, tolki darma jahadu papsuješ. I praca svaja marnaja», — skazała piensijanierka z Hancavičaŭ.
Čytajcie taksama:
U Biełarusi baraviki źbirajuć tysiačami. A pačym pradajuć hryby?
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika10
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary