Istotna ŭpała i zakupačnaja cana na jahady, u tym liku praz sankcyi.
Uletku 2023 hoda arhanizacyi spažyvieckaj kaapieracyi narychtavali 177 ton čarnic. Dla paraŭnańnia: za letni siezon 2022 hoda Biełkaapsajuz nabyŭ 1 300 ton čarnic u nasielnictva. Źmianiłasia i zakupačnaja cana: kali ŭ papiarednim hodzie jana była kala 5 rubloŭ, to ŭ hetym — ad 1,5 da 4 rubloŭ, pišuć «Minsk-Naviny».
Načalnik upraŭleńnia narychtovak Biełaruskaha respublikanskaha sajuza spažyvieckich tavarystvaŭ Aksana Skinder patłumačyła, što ŭmovy nadvorja sioleta nie spryjali paśpiavańniu jahad. Pavodle piacibalnaj škały ŭradžajnaść čarnic na Minščynie nie pieravyšaje adnaho bała, a ŭ inšych rehijonach — dvuch bałaŭ.
— Jašče adnym strymalnym faktaram dla narychtoŭki čarnic staŭ u hetym siezonie radyjacyjny fon. Dla Biełarusi norma — 185 biekierelaŭ na kiłahram, a dla dziciačaha charčavańnia — 37 Bk/kh. Raniej usie jahady, što zakuplalisia na terytoryi Homielskaj vobłaści i ŭ inšych ekałahična biaśpiečnych rajonach, ekspartavalisia. Uzrovień utrymańnia biekierelaŭ, dapuščalny ŭ krainach ES, u razy vyšejšy — da 600 Bk/kh, — adznačyła načalnik upraŭleńnia narychtovak. — Ale ekanamičnyja sankcyi, nakładzienyja Jeŭrasajuzam na Biełaruś, zrabili jahady mienš zapatrabavanymi. Adpaviedna, pamienšali abjomy narychtoŭki.
Jana padkreśliła, što ŭ pačatku 2023 hoda ŭviedziena mytnaja pošlina pamieram 12% na ŭvoz biełaruskich čarnic u krainy ES, što taksama ŭpłyvaje na kančatkovuju canu praduktu.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES28
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary