Čyrvonyja parečki — 50 kapiejek, ahurki — rubiel. Pačym u ludziej kuplajuć harodninu, jahady, lisički
Biełkaapsajuz aktyŭna narychtoŭvaje harodninu, sadavinu, jahady i hryby, kuplajučy ich u nasielnictva. Pra heta ŭ Nacyjanalnym pres-centry raspaviała Aksana Skinder, načalnik upraŭleńnia narychtovak, jak piša Blizko.by.
Pavodle jaje słoŭ, siońnia ŭ Biełarusi pracuje 760 narychtoŭčych punktaŭ, taksama naličvajecca kala tysiačy narychtoŭščykaŭ, jakija skuplajuć u hramadzian dary lesu i pola.
U pieršym paŭhodździ ŭ žycharoŭ krainy było zakuplena pradukcyi i syraviny na 155 miljonaŭ rubloŭ.
Usiaho ž za šeść miesiacaŭ hoda pradpryjemstvy spažyŭkaapieracyi narychtavali 2,6 tysiačy ton bulby, ź ich 1,7 tysiačy ton — u nasielnictva; 11,5 tysiačy ton harodniny (8,7 tysiačy — u nasielnictva); 3,7 tysiačy ton pładoŭ i jahad. Akramia taho, siońnia ŭ biełarusaŭ pačali kuplać jašče i hreckija arechi, jakija raniej pastaŭlalisia z Małdovy.
Čarnic sioleta atrymałasia nabyć usiaho 177 ton.
Aksana Skinder pryviała zakupačnyja ceny na pradukcyju:
- bulba — 0,7—1,1 rubla za kh;
- ahurki — 1—1,3 rubla za kh;
- pamidory — 1,4—2 rubli za kh;
- čornyja parečki (pierapracoŭka) — 0,8—0,9 rubla za kh;
- čornyja parečki (handal) — 1,5—2,5 rubla za kh;
- čyrvonyja parečki (pierapracoŭka) — 0,5—0,6 rubla za kh;
- čyrvonyja parečki (handal) — 1—1,5 rubla za kh;
- čarnicy — 1,5—4 rubli za kh;
- lisički — 3—5 rubloŭ za kh.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary