Чырвоныя парэчкі — 50 капеек, агуркі — рубель. Пачым у людзей купляюць гародніну, ягады, лісічкі
Белкаапсаюз актыўна нарыхтоўвае гародніну, садавіну, ягады і грыбы, купляючы іх у насельніцтва. Пра гэта ў Нацыянальным прэс-цэнтры распавяла Аксана Скіндэр, начальнік упраўлення нарыхтовак, як піша Blizko.by.
Паводле яе слоў, сёння ў Беларусі працуе 760 нарыхтоўчых пунктаў, таксама налічваецца каля тысячы нарыхтоўшчыкаў, якія скупляюць у грамадзян дары лесу і поля.
У першым паўгоддзі ў жыхароў краіны было закуплена прадукцыі і сыравіны на 155 мільёнаў рублёў.
Усяго ж за шэсць месяцаў года прадпрыемствы спажыўкааперацыі нарыхтавалі 2,6 тысячы тон бульбы, з іх 1,7 тысячы тон — у насельніцтва; 11,5 тысячы тон гародніны (8,7 тысячы — у насельніцтва); 3,7 тысячы тон пладоў і ягад. Акрамя таго, сёння ў беларусаў пачалі купляць яшчэ і грэцкія арэхі, якія раней пастаўляліся з Малдовы.
Чарніц сёлета атрымалася набыць усяго 177 тон.
Аксана Скіндэр прывяла закупачныя цэны на прадукцыю:
- бульба — 0,7—1,1 рубля за кг;
- агуркі — 1—1,3 рубля за кг;
- памідоры — 1,4—2 рублі за кг;
- чорныя парэчкі (перапрацоўка) — 0,8—0,9 рубля за кг;
- чорныя парэчкі (гандаль) — 1,5—2,5 рубля за кг;
- чырвоныя парэчкі (перапрацоўка) — 0,5—0,6 рубля за кг;
- чырвоныя парэчкі (гандаль) — 1—1,5 рубля за кг;
- чарніцы — 1,5—4 рублі за кг;
- лісічкі — 3—5 рублёў за кг.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары