Nie mienš za 46 700 zatrymanych za try hady, bolš za 5 miljonaŭ rubloŭ štrafu
«Viasna» raspaviadaje pra administracyjny pieraśled za apošnija try hady, što minuli z 9 žniŭnia 2020 hoda.
Pa infarmacyi pravaabaroncaŭ, za apošnija try hady było zatrymana nie mienš za 46 700 čałaviek. Ale hetaja ličba dakładna značna bolšaja, bo pravabaroncy, na žal, nie zaŭsiody atrymlivajuć infarmacyju pra represii i pieraśled biełarusaŭ.
Biełaruskija sudy pryznačyli nie mienš za 7560 štrafaŭ. Ahulnaja suma skłała 5 090 295 rubloŭ (bolš za 1 615 000 dalaraŭ).
Taksama sudździ pryznačyli minimum 13 315 aryštaŭ. Ahułam u izalatarach biełarusy adbyli 134 356 sutak. Pry hetym, pavodle źviestak pravaabaroncaŭ, z roznych pryčynaŭ spynili tolki 173 spravy.
Ciaham troch hadoŭ ludziej kožny dzień kidajuć za kraty ŭ niečałaviečyja ŭmovy biez srodkaŭ hihijeny i źmiennaha adzieńnia. Ludzi, jakich utrymlivajuć u niavoli pa try miesiacy, byvajuć na śviežym pavietry tolki tady, kali ich viazuć u RUUS składać novy pratakoł.
Kamiery ŭvieś čas pierapoŭnienyja, tamu ludziam davodzicca spać na padłozie, pad łožkami, na łaŭcy. Im nie vydajuć paścielnaj bializny, nie vyvodziać u duš i na špacyr. U kamiery sadžajuć biazdomnych ludziej u jakaści dadatkovaha cisku. Nočču i dniom bieśpierapynna haryć śviatło.
Myła i tualetnuju papieru zatrymanym davodzicca vyprošvać u administracyi. Časam ich nie vydajuć dva-try dni zapar.
Praz «voka» i videanazirańnie ŭ kamierach za kožnym dziejańniem zatrymanych sočać dziažurnyja. Ciopłaj vady niama, a tuju, što ciače z-pad krana, vielmi nie rekamiendujecca pić.
Tym, kaho zabirajuć z doma, nie dazvalajuć uziać navat srodki hihijeny, tamu jany prydumvajuć novyja sposaby, jak, naprykład, pačyścić zuby tymi rečami, jakija jość u kamiery. Pieradačy da ludziej nie dachodziać.
Miedycynskaja dapamoha nie akazvajecca, pry tym, što šmat ludziej traplajuć na Akreścina mocna źbitymi. Adzinaja krynica infarmacyi — novyja sukamierniki, jakich zakidvajuć štodzionna. Hetyja ŭmovy pravaabaroncami rasceńvajucca jak katavańni.
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary
Lubit luto, očień luto lubit.
Narod atviačajet takoj žie lutoj lubouju