Polšča prymaje dadatkovyja miery biaśpieki na svajoj miažy ź Biełaruśsiu paśla navin ab nakiravańni ŭ hety rajon najmitaŭ z PVK «Vahnier». Hienieralnaje kamandavańnie Uzbrojenych sił Polščy napisała ŭ tvitary, što miažu ŭzdoŭž patrulujuć snajpiery.
«Snajpiery — majstry raźviedki, navihacyi, pracy sa zbrojaj. Dla ich charakternyja ŭpeŭnienaść u sabie, ciarplivaść i naziralnaść», — havorycca ŭ paście.
#zgranicy: wieczorny spacer na świeżym powietrzu - dla zdrowotności ;). Trening ️. Strzelcy wyborowi = mistrzowie rozpoznania, nawigacji, pracy z bronią. Cechuje ich pewność siebie, cierpliwość i spostrzegawczość.@12Dywizja x @MON_GOV_PL pic.twitter.com/bLUeqHI2lB
U Varšavie zapeŭnili, što snajpiery rehularna trenirujucca jak dniom, tak i nočču, kab zabiaśpiečyć maksimalnuju efiektyŭnaść dziejańniaŭ va ŭmovach mahčymaj pahrozy.
Raniej upaŭnavažany ŭrada pa biaśpiecy infarmacyjnaj prastory Polščy Stanisłaŭ Žaryn zajaviŭ, što situacyja na miažy Polščy ź Biełaruśsiu zastajecca napružanaj, a «napady na polskich pamiežnikaŭ — achoŭnikaŭ i sałdat — z boku hrup ahresiŭnych zamiežnikaŭ adbyvajucca štodnia».
Pierad tym, 29 lipienia, premjer-ministr Polščy Matevuš Maraviecki padčas pres-kanfierencyi skazaŭ, što ŭ Polščy jość infarmacyja pra toje, što bolš za 100 najmitaŭ hrupy «Vahnier» rušyli ŭ bok Suvałkskaha kalidora kala Hrodna. Tamu, jak zajaviŭ Maraviecki, situacyja stanovicca ŭsio bolš niebiaśpiečnaj.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary