Biełarus trapiŭ u DTZ u Niamieččynie. Paciarpieła dzicia, a škoda ad avaryi skłała 12 tysiač jeŭra
U niamieckaj ziamli Ciurynhija adbyłosia DTZ z udziełam hruzavika, jakim kiravaŭ 36-hadovy biełarus, i lehkavika Audi z žycharom Kosava (krainy, a nie horada ŭ Ivacevickim rajonie) za rulom.
Avaryja zdaryłasia ŭ piatnicu kala 18:45 na stajancy «Radaborn» niedaloka ad horada Trypcis, paviedamlaje sajt «Biełaruś i śviet» sa spasyłkaj na miascovuju palicyju.
Fura pavolna vyjazdžała zadnim chodam z parkovačnaha miesca i ŭrezałasia ŭ Audi, jakaja znachodziłasia na prajeździe pamiž šerahami aŭtamabilaŭ.
U vyniku sutyknieńnia 9-hadovaha pasažyra, niepryšpilenaha remieniem biaśpieki, kinuła napierad. Jon udaryŭsia hałavoj i atrymaŭ lohkija traŭmy.
Materyjalnaja škoda ad zdareńnia skłała 12 tysiač jeŭra.
U dačynieńni da kiroŭcy hruzavika raspačata sprava i spahnany zakład 500 jeŭra. Kiroŭcu lehkavoha aŭtamabila čakaje štraf za toje, što dzicia nie było pryšpilena.
Ciapier čytajuć
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie13
Kamientary