Беларус трапіў у ДТЗ у Нямеччыне. Пацярпела дзіця, а шкода ад аварыі склала 12 тысяч еўра
У нямецкай зямлі Цюрынгія адбылося ДТЗ з удзелам грузавіка, якім кіраваў 36-гадовы беларус, і легкавіка Audi з жыхаром Косава (краіны, а не горада ў Івацэвіцкім раёне) за рулём.
Аварыя здарылася ў пятніцу каля 18:45 на стаянцы «Радаборн» недалёка ад горада Трыпціс, паведамляе сайт «Беларусь і свет» са спасылкай на мясцовую паліцыю.
Фура павольна выязджала заднім ходам з парковачнага месца і ўрэзалася ў Audi, якая знаходзілася на праездзе паміж шэрагамі аўтамабіляў.
У выніку сутыкнення 9-гадовага пасажыра, непрышпіленага рэменем бяспекі, кінула наперад. Ён ударыўся галавой і атрымаў лёгкія траўмы.
Матэрыяльная шкода ад здарэння склала 12 тысяч еўра.
У дачыненні да кіроўцы грузавіка распачата справа і спагнаны заклад 500 еўра. Кіроўцу легкавога аўтамабіля чакае штраф за тое, што дзіця не было прышпілена.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары