U Breście pačali nazirać mocnaje śviatło z boku Polščy. Stała viadoma, što heta takoje
Niadaŭna žychary Bresta ŭbačyli ŭ niebie nad Polščaj jarkaje śviačeńnie. Raniej takoha zaryva bieraściejcy nikoli nie bačyli, piša na partale «Virtualny Brest» fota— i videabłohier Vasil Pašaluk. Ale jamu, zdajecca, udałosia vyśvietlić pryčynu hetaj źjavy.
«Takoje adčuvańnie, što ŭzdoŭž miažy niejkaja mahutnaja krynica śviatła. Na fota, viadoma, drenna vidać, ale kali ŭ vas vid z akna na Polšču — vy jaho pabačycie», − paviedamiŭ błohier.
Kab vyśvietlić tajamnicu, Pašaluk padniaŭ u nieba kvadrakoptar i zumam «razhladzieŭ» pastaŭlenyja palakami ŭzdoŭž miažy ź Biełaruśsiu vietraki.
«Zdajecca, susiedzi sprabujuć vycisnuć elektryčnaść ź vietru, jaki lacić da nas, i takim čynam źnižajuć jaho siłu i moc, − piša Vasil. — Ci nie ŭ hetym kryjecca zahadka pastajannaha «šancavańnia» Bresta ŭ klimatyčnym sensie?
A kali raptam vy zadalisia pytańniem — čamu jany mohuć, a my nie, to ŭspomnicie, što ŭ nas na poŭnuju moc pracujuć (ź nievialikimi pierapynkami) dva enierhabłoki AES, kudy ž nam jašče i vietraki?»
Pry nahodzie błohier źviartaje ŭvahu, što, pavodle daśledavańniaŭ, vietraki ŭ hod zabivajuć ad 33 da 888 tysiač kažanoŭ. Pry hetym žyviołam nie abaviazkova navat urezacca ŭ łopaści, dastatkova prosta pralacieć pobač ź imi — i myšy atrymlivajuć baratraŭmy, pamirajučy ad unutranaha krovaźlićcia.
Zahadkavaja ŭspyška ŭ niebie nad Homielem i Kijevam: NASA zajaŭlaje, što heta nie moh być spadarožnik
U Homieli i Mazyry zafiksavali jarkuju ŭspyšku. Adnačasova jaje bačyli i na poŭnačy Ukrainy. Što heta było?
U niebie nad Biełharadam i Maskvoj źjavilisia śvietłavyja słupy. Padumali pra novuju zbroju, ale ŭsio bolš banalna
Kamientary
Po novym praviłam niźzia, jeśli ty nie jabaťka, koniečno)