Ukrainskaje kamandavańnie paviedamiła ŭ Vašynhton ab novaj fazie kontrnastupu Sił abarony.
Ukrainskija aficyjnyja asoby paviedamili čynoŭnikam ZŠA, što ŭzmocnienyja ŭkrainskija hrupoŭki pasprabujuć prasunucca na poŭdzień praz rasijskija minnyja pali i inšyja ŭmacavańni ŭ horad Takmak, a ŭ vypadku pośpiechu — u Mielitopal, piša «Ukrainskaja praŭda» sa spasyłkaj na The New York Times.
Ich meta — razarvać tak zvany suchaputny most pamiž akupavanymi Rasijaj ukrainskimi terytoryjami i Krymskim paŭvostravam abo, prynamsi, prasunucca dosyć daloka, kab stratehična važny paŭvostraŭ akazaŭsia ŭ zonie dasiažnaści ŭkrainskaj artyleryi.
NYT nahadvaje, što Rasija zachapiła Krym u 2014 hodzie i vykarystoŭvaje jaho jak bazu dla svajho Čarnamorskaha fłotu, a taksama dla zabieśpiačeńnia svaich sił na poŭdni.
Novaja apieracyja Sił abarony ŭ vypadku pośpiechu moža zaniać ad adnaho da troch tydniaŭ, paviedamili ŭkrainskija čynoŭniki ŭ Vašynhton.
Adnak mała što idzie pa płanie z momantu pačatku kontrnastupu ŭ pačatku červienia, i aficyjnyja asoby ŭ Biełym domie i Pientahonie zajavili ŭ sieradu, što jany nazirajuć za ŭzmacnieńniem aktyŭnaści ź vialikaj cikavaściu.
«Heta vialikaje vyprabavańnie», — skazaŭ adzin z vysokapastaŭlenych čynoŭnikaŭ ZŠA.
Jak zajavili ŭ sieradu dva čynoŭniki Pientahona, asnoŭny ŭdar kontrnastupu Ukrainy, jaki doŭžycca ŭžo amal dva miesiacy, prypadaje na paŭdniovy ŭschod krainy, dzie ŭ žorstkuju bitvu ŭlivajucca tysiačy padmacavańniaŭ, mnohija ź jakich byli navučanyja i ŭsim zabiaśpiečanyja Zachadam i da hetaha času znachodzilisia ŭ reziervie.
U cełym front na Zaparožžy — heta adna z troch vosiaŭ ukrainskaha kontrnastupu.
Adna z vajennych met Ukrainy — vyjści da Azoŭskaha mora, ubiŭšy klin pamiž akupavanymi Rasijaj terytoryjami na poŭdni i ŭschodzie Ukrainy.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary