Da Pucina nie pajechali dźvie traciny afrykanskich lidaraŭ, Kreml vinavacić Amieryku
27 lipienia ŭ Sankt-Pieciarburhu ładzicca maštabny forum Rasija — Afryka, jaki rasijskaje kiraŭnictva mieła namier vykarystać dla demanstracyi šyrokaj padtrymki dziejańniaŭ Rasii pa-za miežami zachodniaha śvietu. Ale z 54 krain Afryki tolki 17 adpravili na samit delehacyi z udziełam kiraŭnikoŭ dziaržaŭ, jašče 10 prysyłajuć premjer-ministraŭ, piša The Moscow Times.
Nievialikaja kolkaść kiraŭnikoŭ dziaržaŭ na forumie Rasija — Afryka stała vynikam «nachabnaha ŭmiašańnia» ZŠA, Francyi i inšych dziaržaŭ, zajaviŭ u sieradu pres-sakratar Pucina Dźmitryj Piaskoŭ.
«Praź ich dyppradstaŭnictvy byli sproby akazać cisk na kiraŭnictva hetych krain dziela taho, kab pieraškodzić ich udziełu ŭ forumie», — raskazaŭ Piaskoŭ na bryfinhu.
Pa słovach Piaskova, umiašańnie Zachadu — «absalutna aburalny» fakt, jaki, zrešty, «nijakim čynam nie pieraškodzić praviadzieńniu samitu».
Lidaraŭ afrykanskich krain na sioletnim forumie ŭdvaja mienš, čym na anałahičnym forumie 2019 hoda, dzie na najvyšejšym uzroŭni byli pradstaŭleny 45 afrykanskich krain. Pry hetym piać dziaržaŭ admovilisia ad udziełu ŭ samicie całkam, a pałova delehavała na jaho čynoŭnikaŭ druhoha ranhu: z 17-ci krain pryjechali vice-premjery i ministry, a jašče ź piaci — prosta pasły.
U takoj situacyi Pucin płanuje asabista sustrecca z kožnym lidaram afrykanskich dziaržaŭ, jakija ryzyknuli da jaho dajechać. U jaho zapłanavany pieramovy z prezidentami Jehipta, Mazambika, Burundzi, Zimbabve, Uhandy, Erytrei, Centralna-Afrykanskaj Respubliki, Livii, Kamieruna, Sieniehała, Paŭdniova-Afrykanskaj Respubliki, Burkina-Faso, Hviniei-Bisau, Mali i Konha.
28 lipienia Pucin źbirajecca vystupić pierad afrykancami ź vialikaj pramovaj, u jakoj raskaža pra farmavańnie «novaha śvietaparadku» na asnovie «šmatpalarnaści i roŭnaści» ŭsich dziaržaŭ.
Pucin nie pajedzie na samit BRIKS u Paŭdniova-Afrykanskuju Respubliku, dzie jaho pavinny byli b aryštavać
«My budziem ščaślivyja, kali jon nie pryjedzie». U PAR znoŭ paprasili Pucina nie lacieć na samit BRIKS
Ci moža Pryhožyn pierabazavacca ŭ Afryku? Voś što ŭjaŭlaje saboj afrykanskaja sietka PVK «Vahnier»
Ciapier čytajuć
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»39
Kamientary