«Heta adzin ź biezadkaznych kamientaroŭ». Dziarždep ZŠA prakamientavaŭ zajavy Łukašenki ab pachodzie «vahnieraŭcaŭ» na Varšavu i Žešaŭ
ZŠA hatovyja abaraniać Polšču, a słovy Alaksandra Łukašenki pra pachod «vahnieraŭcaŭ» na Varšavu i Žešaŭ biezadkaznyja. Tak prakamientavaŭ zajavy, zroblenyja na vychodnych, pradstaŭnik Dziarždepartamienta ZŠA Mećju Miler, piša Reform.by.
«Ja skažu, što heta jašče adzin ź sieryi biezadkaznych kamientaroŭ Łukašenki. I adzinaje, što ja paŭtaru, jak ja ŭžo kazaŭ ź inšaj nahody raniej na hetym bryfinhu, Złučanyja Štaty buduć abaraniać kožny santymietr terytoryi NATO», — skazaŭ jon.
U niadzielu Alaksandr Łukašenka na pieramovach z Uładzimiram Pucinym zajaviŭ, što PVK «Vahnier» pačała «napružvać» jaho, bo choča schadzić «na ekskursiju ŭ Varšavu i Žešuv», ale jon «trymaje ich u centry».
«Ja b skazaŭ, što jość tolki adna kraina ŭ rehijonie, jakaja prademanstravała nie tolki namier, ale i hatoŭnaść uvarvacca da svaich susiedziaŭ, i heta Rasija, a nie Polšča, nie jakaja-niebudź inšaja kraina ŭ rehijonie. Takim čynam, ja chacieŭ by prosta paŭtaryć, što naš sajuz z Polščaj mocny. Polšča, viadoma, siabra NATO, i my budziem abaraniać, kali spatrebicca, kožny santymietr terytoryi NATO», — dadaŭ Miler.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary