Tartar z zapiečanaj harodniny — alternatyva papularnaj miasnoj zakuscy z syroha faršu
Zakuska tartar pryjšła z francuzskaj kuchni i ŭ aryhinale robicca z syroha jałavičnaha faršu. Prapanujem viehietaryjanskuju zamienu kłasičnamu tartaru, dla jakoj spatrebiacca bakłažany, pamidory i pierac. Choć hetaja strava — z harodniny, jana atrymajecca vielmi sytnaj.
Spatrebicca:
- 50 hramaŭ pamidoraŭ
- 50 hramaŭ sałodkaha piercu
- 3 halinki śviežaha razmarynu abo trochi suchoha
- 4 stałovyja łyžki aliŭkavaha aleju — abo inšaha, jaki vam smakuje
- 2 čajnyja łyžki soli
- 30 hramaŭ bakłažana
- 1/3 čajnaj łyžki čornaha piercu
Akramia taho:
- 1 stałovaja łyžka aliŭkavaha aleju — abo inšaha
- 2 stałovyja łyžki limonnaha soku
- zialonyja alivy
- pučok piatruški
- čyrvonaja cybula
- jaječny žaŭtok
- krekiery
Jak pryhatavać tartar z zapiečanaj harodniny:
- Bakłažan pamyjcie, narežcie kubikami, pakładzicie ŭ misku i dadajcie 1 čajnuju łyžku soli. Pieramiašajcie i pakińcie na 30 chvilin. Praz 30 chvilin źlicie sok (kali jość). Tak robiać, kab bakłažan nie harčyŭ.
- Pamidory i pierac narežcie vialikimi kavałačkami. Źmiašajcie z narezanymi bakłažanami, 1 čajnaj łyžkaj soli, aliŭkavym alejem, piercam i razmarynam. Pierakładzicie harodninu ŭ haračatryvałuju formu dla zapiakańnia.
- Nakryjcie formu nakryŭkaj abo aluminijevaj folhaj i pastaŭcie ŭ razahretuju da 180 hradusaŭ pa Celsiju duchoŭku na 40 chvilin. Praz 40 chvilin aściarožna źnimicie nakryŭku, pavialičcie tempieraturu da 200 hradusaŭ i praciahvajcie zapiakać jašče 50 chvilin. Zapiečanuju harodninu astudzicie.
- Astudžanuju harodninu drobna narežcie nažom. Zapraŭcie aliŭkavym alejem i limonnym sokam. Vykładzicie porcyju harodniny na talerku. U centry zrabicie adtulinu, kudy ŭlicie žaŭtok. Vakoł harodniny raskładzicie drobna narezanyja alivy, cybulu, piatrušku i krekiery.
Karysna viedać pry hatavańni aharodninnaha tartaru:
kali paśla zapiakańnia harodnina vydzialaje davoli šmat soku, častku hetaha soku treba vylić;
kansistencyja harodniny paśla narezvańnia nie pavinna nahadvać kansistencyju supu, naadvarot, jana pavinna być dastatkova ćviordaj.
Bolš receptaŭ:
Recept na vychadnyja. Italjanskija frykadelki z kabačkami — aryhinalnaja i karysnaja strava
Šakšuka sa špinatam: dla tych, chto lubić ekśpierymientavać
Małasolnyja ahurki: u čym ich karyść i navošta dadavać u słoik liście duba i parečak
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary
pejse. vašy kručki nie čytało - bo vočy łamajucco
my ž z vami daŭno ̷z̷a̷m̷u̷ž̷a̷m̷ znajemy)
kali adkryła hety "recept", dumaju - nu zaraz adpišacca Žir
vuala! vat ono )
nie prymusiła siabie doŭha čakać )
Ad harodniny ničoha nie zastaniecca.