U aryhinalnym recepcie šakšuki asnoŭnyja składniki — heta jajki i pamidory. Ale piečanyja pamidory, choć jany i karysnyja, padabajucca nie ŭsim. Isnuje i alternatyŭnaja viersija — dla ludziej, jakim bolš daspadoby špinat. Takaja šakšuka atrymajecca mienš kisłaj i bolš dalikatnaj.
Spatrebicca:
- 2 stałovyja łyžki aliŭkavaha ci luboha inšaha, na vaš hust, aleju,
- 2 stałovyja łyžki masła,
- 400 h liścia špinatu,
- 2 zubčyki časnaku,
- 0,5 šklanki śmiatany 18%,
- 3 jajki,
- 0,5 upakoŭki syru fieta,
- 1 drobka soli,
- 1 drobka piercu,
- 1 drobka muskatnaha arechu,
- 1 žmienia hreckich arechaŭ.
Hatavańnie:
- Pačyścicie zubčyki časnaku i drobna ich narežcie.
- Razahrejcie na patelni dźvie stałovyja łyžki masła. Dadajcie dźvie stałovyja łyžki aliŭkavaha abo luboha inšaha aleju.
- Absmažcie na patelni časnok. Pamiešvajcie, pakul časnok nie stanie hłazuravanym, ale nie dajcie jamu zanadta mocna padrumianicca.
- Dadajcie ŭ patelniu liście špinatu i pačakajcie, pakul jano trochi zhatujecca. U vyniku termičnaj apracoŭki hetaja harodnina stracić abjom i stanie miakčejšaj.
- Kali liście špinatu pierastanie nahadvać svoj raniejšy varyjant, dadajcie ŭ patelniu śmiatanu, trochi vady i śpiecyi: sol, pierac i muskatny arech. Pieramiašajcie ŭsie składniki. Patušycie niekatory čas, nie nakryvajučy patelniu nakryŭkaj.
- Nastupny krok možna zrabić dvuma sposabami.
— Pasuńcie inhredyjenty na patelni, kab vyzvalić miesca dla jajek. Raźbicie ich, pasypcie sollu i piercam, nakryjcie i dajcie białku i žaŭtku trochi zastyć, pakinuŭšy žaŭtok źlohku vadkim. Kali strava budzie hatovaja, pasypcie jaje zdrobnienymi arechami i padavajcie prosta ŭ patelni.
— Druhi varyjant praduhledžvaje vykarystańnie haračatryvałaha posudu. Mienavita ŭ jaho kładziom tušany špinat sa śpiecyjami. Zrabicie ŭ špinacie try pahłybleńni i raźbicie ŭ ich jajki. Pasypcie stravu syram fieta i pastaŭcie ŭ razahretuju da 180 hradusaŭ duchoŭku. Šakšuka sa špinatam pavinna pravieści ŭ duchoŭcy kala čverci hadziny, pakul jajki nie schopiacca — nastolki, nakolki vam padabajecca. Hatovuju šakšuku paśla vymańnia z duchoŭki pasypać zdrobnienymi hreckimi arechami i padavać.
Bolš chutkich i aryhinalnych śniadankaŭ ź jajek:
Recept na vychodnyja: soniečnaja šakšuka
Recept na vychadnyja. Frytata z sałodkim piercam
Ciapier čytajuć
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA6
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
dajti uhadaju.. zaviaušyja?