U Minsku pačynajuć sudzić stvaralnika turkampanij «Nova tur» i «Sakub». Za «zdradu dziaržavie»
Alaksandr Mirski taksama ŭ jakaści hramadskaj nahruzki ŭznačalvaŭ Respublikanski sajuz turystyčnych arhanizacyj z 2008 da 2013-ha i ŭ 2014—2019 hady.
24 lipienia Minski haradski sud pačnie razhlad spravy ŭ dačynieńni da Alaksandra Ivanaviča Mirskaha pavodle č. 1 art. 356 Kryminalnaha kodeksa (zdrada dziaržavie), źviartaje ŭvahu telehram-kanał pravaabarončaha centra «Viasna». Spravu budzie razhladać Alena Šylko.
Pra zatrymańnie Mirskaha stała viadoma zimoj: pra heta raskazali ŭ prapahandysckim filmie na telekanale ANT. U im paviedamlałasia, što mužčyna siem hadoŭ supracoŭničaŭ z polskimi i litoŭskimi śpiecsłužbami, a ciapier znachodzicca pad śledstvam i abvinavačvajecca pa artykule ab zdradzie dziaržavie.
Niaredka za abvinavačvańniami ab «zdradzie dziaržavie» chavajucca palityčnyja spravy. Tak, u «zdradzie dziaržavie» abvinavačvali Paŭła Biełavusa — tak interpretavali atrymańnie strukturami, u jakich jon udzielničaŭ, hrošaj na prajekty, što byli skiravanyja na raźvićcio biełaruskaj kultury.
Staršynstva ŭ Respublikanskim sajuzie turystyčnych arhanizacyj było dla Mirskaha hramadskaj nahruzkaj. Jaho asnoŭnaj pracaj było kiravańnie turkampanijaj «Nova tur». Da taho jon stvaryŭ turfirmu «Sakub». Nazva kampanii «Nova tur» supadaje z nazvaj najbolšaha litoŭskaha turapieratara «Novaturas». Nieviadoma, ci mieli jany kamiercyjnyja suviazi.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi4
Kamientary
Zaraz, darečy, strajkuje scenaryski halivudzki cech. Patrabavańni da kinakampanijaŭ nie karystacca tańniejšymi technalohijami (štučnaha intelekta), a apłočvać mienavita ichija, daražejšyja ceteris paribus. Zrazumieła, što hetkija strajki biaz padtrymki prymusam z boku dziaržavy pryrečanyja. A my ŭ vyniku parazki strajku scenarystaŭ (i aktoraŭ) možam ŭ najbližejšaj perspektyvie atrymać šalony ŭsplesk kinavytvorčaści, a ŭ siaredniaj – mahčymaść samym z dapamohaj kišennaj pryłady stvarać kinašedeŭry halivudzkaje jakaści (ci vyšejšaje) na zadanyja nami temy