Jak na Vieniery: navukoŭcy znajšli miesca na Ziamli, kudy padaje bolš za ŭsio promniaŭ
Tam na kvadratny mietr prypadaje 2177 Vt, što amal udvaja bolš za siaredni pakazčyk na Ziamli.
Navukoŭcy znajšli miesca na Ziamli, kudy padaje bolš za ŭsio soniečnaha śviatła. Heta amal toje ž samaje, što być na Vieniery. Miesca raźmieščana ŭ Paŭdniovaj Amierycy, paviedamlaje Jeŭrapiejskaja praŭda.
Pablizu zachodniaha ŭźbiarežža Paŭdniovaj Amieryki na vyšyni bolš za 4 tysiačy mietraŭ na płato Altypłana ŭ pustyni Atakama navukoŭcy zafiksavali suśvietny rekord soniečnaha apramieńvańnia.
Sa słoŭ daślednikaŭ, na kvadratny mietr prypadaje 2177 Vt, što amal udvaja bolš za siaredni pakazčyk na Ziamli.
«Heta vypramieńvańnie, jakoje vy možacie atrymać letam, znachodziačysia na Vieniery», — skazaŭ aŭtar daśledavańnia Raul Kardera z Univiersiteta Hroninhiena ŭ Niderłandach, dadaŭšy, što Vieniera raźmieščana prykładna na 28% bližej da Sonca, čym Ziamla.
Aŭtar daśledavańnia rastłumačyŭ, što pryčynaj zvyšmahutnaj radyjacyi źjaŭlajucca abłoki, jakija nad miascovaściu tonkija i raźbityja i fakusujuć vypramieńvańnie Sonca na pavierchni.
Zvyčajna, kaža Kardera, abłoki błakujuć soniečnaje śviatło abo adbivajuć vypramieńvańnie nazad u kosmas.
Pavodle vynikaŭ daśledavańnia, abłoki nad mysam zdolnyja ŭzmacnić soniečnaje vypramieńvańnie na pavierchni da 80% u paraŭnańni ź biaschmarnymi ŭmovami.
Pavodle słoŭ daśledčyka NASA Sejdzi Kata, jaki nie ŭdzielničaŭ u daśledavańni, vypramieńvańnie taksama moža zychodzić ad inšych krynic vypramieńvańnia.
U pryvatnaści, kaža Sejdzi Kata, heta moža być vypramieńvańnie praz atmaśfieru, jakoje nie zaležyć ad pakazčykaŭ Sonca. Dziakujučy jamu, dadaje Kata, zimoj u chmarny dzień ludziam moža być ciaplej, čym kali na dvary jasna.
-
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu
-
«Dumali, bandyty, akazałasia — palicyja». Udzielniki pierastrełki ŭ Polščy raskazali svaju viersiju, ale pytańniaŭ mienš nie stała
-
Z-za školnaj party — u namiot na 15 čałaviek. Jak staršakłaśnikaŭ buduć prymusova rychtavać da słužby
Kamientary