Mahiloŭskija susiedzi Barysa Maisiejeva abvierhli zapuščanuju im bajku pra naradžeńnie ŭ kałonii
U niadzielu ŭ Mahilovie na vulicy Čaluskincaŭ adkryli miemaryjalnuju šyldu na domie, dzie niekali naradziŭsia i pražyŭ pieršyja 14 hadoŭ viadomy rasijski śpiavak Barys Maisiejeŭ, što pamior letaś. U suviazi z hetym jahonyja byłyja susiedzi padzialilisia ŭ sacsietkach uspaminami pra jaho, raźviančaŭšy adzin ź mifaŭ, jaki śpiavak pry žyćci aktyŭna prasoŭvaŭ, piša «Kamsamolskaja praŭda».
Śpiavak pražyŭ u domie pa mahiloŭskaj vulicy Čaluskincaŭ, 54 pieršyja čatyrnaccać hadoŭ svajho žyćcia: z 1954-ha da 1968-ha.
Susiedzi maci artysta Hieni Barysaŭny raspaviali: historyja pra toje, što Barys Maisiejeŭ nibyta naradziŭsia ŭ žanočaj papraŭčaj kałonii (a jaje artyst rehularna ŭ roznych interpretacyjach raspaviadaŭ u intervju) — nie bolš, čym vydumka i tvorčaje pierabolšańnie, bo artyst byŭ pa pryrodzie vialikim mistyfikataram.
Byłyja susiedzi zorki raspaviali, što naradziŭsia jon u zvyčajnaj radzilni, adkul jaho i prynieśli ŭ dom na Čaluskincaŭ, 54. Tam artyst i pražyŭ 14 hadoŭ, a praź niekatory čas, skončyŭšy škołu, adpraviŭsia ŭ Minsk, dzie i atrymaŭ adukacyju kłasičnaha tancoŭščyka ŭ Minskim chareahrafičnym vučyliščy. A dalej była praca hałoŭnym baletmajstram litoŭskaha arkiestra «Trymitas», stvareńnie trya «Ekspresija», dzie budučuju zorku rasijskaj estrady zaŭvažyła Ała Puhačova…
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary