Skončyŭ žyćcio samahubstvam namieśnik staršyni Mastoŭskaha rajvykankama — BELPOL
BELPOL paćvierdziŭ fakt śmierci namieśnika staršyni Mastoŭskaha rajvykankama Michaiła Žuka. Pavodle infarmacyi byłych siłavikoŭ, 51-hadovy čynoŭnik skončyŭ žyćcio samahubstvam. Zdareńnie adbyłosia viečaram 12 lipienia.
Pieršym pra śmierć čynoŭnika paviedamiŭ 13 lipienia telehram-kanał hrodzienskich pravaabaroncaŭ. Ale žurnalistam nie ŭdałosia atrymać paćvierdžańnie z druhoj krynicy.
Siońnia byłyja siłaviki raspaviali niekatoryja akaličnaści zdareńnia.
Pavodle ich infarmacyi, cieła Michaiła Žuka z ahniastrelnym skraznym ranieńniem hałavy było znojdziena na parosłym chmyźniakom učastku miascovaści — pamiž praśpiektam Miru i vulicaj Stancyjnaj u Mastach.
Na miescy zdareńnia była palaŭničaja hładkastvolnaja strelba IŽ-43, jakaja naležała zahinułamu. Mienavita ź jaje, piša BELPOL, i byŭ zrobleny streł.
Śladoŭ i pradmietaŭ, jakija b pakazvali na ździajśnieńnie ŭ dačynieńni da Žuka złačynstva, u chodzie ahladu miesca zdareńnia vyjaŭlena nie było.
Asnoŭnaja i najbolš praŭdapadobnaja razhladanaja viersija — suicyd.
U zahinułaha zastalisia žonka i dvoje dziaciej — syn, 1996 h. n., i dačka, 2010 h. n.
Heta ŭžo treci za apošni čas vypadak suicydu siarod čynoŭnikaŭ.
Letaś u svaim domie ŭ Drazdach, pa infarmacyi «Našaj Nivy», źvioŭ rachunki z žyćciom Uładzimir Makiej.
U lipieni 46-hadovy ministr transpartu i kamunikacyj Alaksiej Aŭramienka skončyŭ žyćcio samahubstvam.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary