Biełaruskija pamiežniki abvinavacili litoŭskaha kalehu ŭ parušeńni miažy. Litoŭcy nie piarečać
Supracoŭnik Słužby achovy dziaržaŭnaj miažy Litvy padčas afarmleńnia hramadzian u punkcie propusku «Miedniki» («Kamienny Łoh») 13 lipienia parušyŭ biełaruskuju miažu, jak paviedamiła siońnia pres-słužba Dziaržaŭnaha pamiežnaha kamiteta Biełarusi. Litoŭcy ŭ pryncypie nie piarečać, što incydent moh być, ale admaŭlajuć zły namier.
«Uzbrojeny pradstaŭnik litoŭskaha pamiežnaha viedamstva zajšoŭ na biełaruskuju terytoryju na niekalki mietraŭ i viarnuŭsia nazad. Incydent zafiksavany kamierami nazirańnia. Pra fakt niezakonnaha pierasiačeńnia biełaruskaj miažy ŭ akreślenym paradku prainfarmavany sumiežny bok», — havorycca ŭ paviedamleńni DPK.
Słužba achovy dziaržaŭnaj miažy Litvy, u svaju čarhu, paviedamiła, što ŭ čaćvier jaje słužbovaja asoba sapraŭdy mahła zajści na terytoryju Biełarusi. Jak paviedamiła słužba, u čaćvier u druhoj pałovie dnia da pamiežnikaŭ, jakija pracujuć na prapusknym punkcie ŭ Miednikach, źviarnułasia žančyna ź niemaŭlom na rukach, jakaja ruchałasia ŭ Litvu, i skazała, što choča chutčej pierasiekčy miažu.
«Kali pamiežnik pačaŭ supravadžać jaje da aŭtamabila, pa papiarednich źviestkach, pa nieaściarožnaści jon moh zastupić na biełaruski bok», — paviedamiła słužba.
U jaho nie było słužbovaj zbroi. Pamiežnik słužyć u SADMŁ dva tydni. U suviazi z tym, što adbyłosia, u vilenskim padraździaleńni SADMŁ raspačata słužbovaja pravierka, viadziecca ŭdakładnieńnie abstavin.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary