Padstaŭ dla zakryćcia miažy ź Biełaruśsiu pakul niama — kiraŭnik MZS Litvy
U toj čas jak Litva ŭzmacniaje achovu miažy ź Biełaruśsiu i Kalininhradskaj vobłaściu, ministr zamiežnych spraŭ Habryelus Łandśbierhis kaža, što padstaŭ dla poŭnaha zakryćcia miažy na nacyjanalnym uzroŭni pakul niama. Pavodle jaho słoŭ, takija dziejańni buduć razhladacca tolki ŭ vypadku ŭźniknieńnia kryzisu, jaki niasie niepasrednuju pahrozu nacyjanalnaj biaśpiecy, jak piša Delfi.
«Zakryćcio miažy, kali my majem na ŭvazie poŭnaje zakryćcio miažy, maje dalokija nastupstvy. Naša miaža, jakaja źviazvaje nas naŭprost ź Biełaruśsiu, taksama źviazvaje Litvu z usim śvietam na ŭschod, skažam, takimi krainami, jak Kazachstan, Uźbiekistan, Sakartvieła (Hruzija), Armienija. My pavinny ŭličvać i heta», — padkreśliŭ ministr zamiežnych spraŭ.
Pa słovach Łandśbierhisa, poŭnaje zakryćcio miažy — heta «čyrvonaja knopka».
«U vypadku kryzisu, bačačy, što pa toj bok miažy adbyvajucca pravakacyi i niebiaśpiečnyja dziejańni, jakija jašče nie patrabujuć uviadzieńnia čaćviortaha ci piataha artykuła statuta NATO, my, mahčyma, i mahli b razhledzieć takija nacyjanalnyja dziejańni, ale pakul dla hetaha niama nijakich padstaŭ», — zapeŭniŭ kiraŭnik litoŭskaj dypłamatyi.
Sa słoŭ ministra zamiežnych spraŭ, u bajca «Vahniera» niama mahčymaści trapić na terytoryju Litvy, kali tolki pierasiekčy jaje nielehalna, naprykład, ź jahonych słoŭ, z padroblenymi dakumientami.
«U nas užo jość pastanova, pryniataja, mahčyma, hod tamu, zhodna ź jakoj hramadzianam Rasii, jakija prybyvajuć z turystyčnymi abo niehumanitarnymi metami, ujezd u Litvu zabaronieny», — nahadaŭ Łandśbierhis.
Učora ministarka ŭnutranych spraŭ Litvy Ahnie Biłatajcie zajaviła pra ŭzmocnienyja pravierki na litoŭska-biełaruskaj i litoŭska-rasijskaj miažy i nie vyklučyła zakryćcia miežaŭ.
Kamientary