«Nie bačym pryčyn nie padtrymać». Kitaj nie suprać viartańnia Ukrainie ŭsich jaje terytoryj, uklučajučy Krym
Pra heta zajaviŭ pasoł KNR u Jeŭropie, adkazvajučy na pytańnie ahienctva Al Jazeera.
Aficyjny pradstaŭnik Kitaja ŭ Jeŭropie Fu Cun zajaviŭ, što jaho kraina moža padtrymać Ukrainu ŭ jaje imknieńni viarnuć usie akupavanyja terytoryi i stać cełasnaj zhodna ź miežami, ustanoŭlenymi ŭ 1991 hodzie. Jaho słovy 27 červienia pieradaje ahienctva Al Jazeera.
Adkazvajučy na pytańnie ahienctva ab padtrymcy namahańniaŭ Ukrainy pa viartańni ŭsich svaich akupavanych Rasijaj terytoryj, u tym liku Kryma, kitajski pasoł skazaŭ: «Nie bačym pryčyn nie padtrymać».
«Čamu b i nie? Kitaj pavažaje terytaryjalnuju cełasnaść usich krain, uklučajučy postsavieckija dziaržavy. My vystupajem za vyrašeńnie histaryčnych prablem pamiž Ukrainaj i Rasijaj», — zajaviŭ kitajski pasoł u ES Fu Cun.
Nahadajem, što jašče ŭ krasaviku adzin z pradstaŭnikoŭ Kitaja ŭ Jeŭropie, naadvarot, pastaviŭ pad sumnieŭ lehitymnaść isnavańnia postsavieckich krain, u tym liku Biełarusi, a taksama adznačyŭ, što «Krym naležyć Rasii». Paśla hetych zajaŭ adbyŭsia vialiki skandał i taho kitajskaha pasła vymušana adklikali ź Jeŭropy dadomu.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva8
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary