Kiraŭnictva Kitaja zapeŭniła dziaržsakratara ZŠA Entani Blinkiena ŭ tym, što jano nie dapamahała i nie budzie dapamahać Rasii, pastaŭlajučy joj latalnuju zbroju. Amierykanski čynoŭnik adznačyŭ, što šanuje hetyja harantyi, i ŭ Vašynhtona niama nijakich dokazaŭ, što jany nie vykonvajucca, pieradaje CNN.
U toj ža čas ZŠA pa-raniejšamu zaniepakojenyja mahčymym supracoŭnictvam z Maskvoj pryvatnych kitajskich firmaŭ, jak skazaŭ Blinkien. Pavodle jahonych słoŭ, hetyja kampanii zdolnyja pastaŭlać Rasii technałohii, jakija paśla vykarystoŭvajucca joju dla praciahu vajny va Ukrainie. U suviazi z hetym Blinkien paprasiŭ kitajskaje kiraŭnictva «być vielmi pilnym u hetym pytańni».
Na sustrečy ź Blinkienam staršynia KNR Si Czińpin zajaviŭ, što Kitaj pavažaje intaresy ZŠA i nie stanie «kidać im vyklik», adnak Piekin raźličvaje, što i Vašynhton budzie prytrymlivacca anałahičnaj pazicyi.
Si adznačyŭ, što «ŭ ciapierašni čas mižnarodnaja supolnaść u cełym zaniepakojenaja status-kvo kitajska-amierykanskich stasunkaŭ», tamu krainam varta vykarystoŭvać ahulnyja intaresy i admovicca ad praktyki pahroz na karyść «mirnaha suisnavańnia i družalubnaha supracoŭnictva». Lidar KNR padkreśliŭ, što ad hetaha zaležać budučynia i los čałaviectva.
U adkaz Blinkien zajaviŭ, što ZŠA nie imknucca da novaj chałodnaj vajny i nie majuć namieru mianiać sistemu Kitaja. Asobna jon adznačyŭ, što Vašynhton nie padtrymlivaje niezaležnaść Tajvania.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła2
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary