Eks-kiraŭnik CRU paraiŭ Pryhožynu nie padychodzić da niezaviešanych voknaŭ u Biełarusi
Kiraŭnik PVK «Vahnier» Jaŭhien Pryhožyn spyniŭ miaciež praz toje, što ŭ jaho zdali niervy, jak miarkuje Devid Pietreus.
Kiraŭnik rasijskaj pryvatnaj vajskovaj kampanii «Vahnier» Jaŭhien Pryhožyn spyniŭ miaciež praz toje, što ŭ jaho zdali niervy. Takoje mierkavańnie vykazaŭ eks-dyrektar CRU i hienierał armii ZŠA ŭ adstaŭcy Devid Pietreus.
«Jon byŭ… prykładna za dźvie hadziny jazdy ad uskrain Maskvy, dzie pačynali rychtavać abarončyja pazicyi. Heta paŭstańnie, choć i vyklikała apładysmienty, nie vyklikała toj padtrymki, na jakuju jon spadziavaŭsia. I znoŭ jon vyrašyŭ pryniać uhodu. Jon admoviŭsia ad hetych namahańniaŭ», — cytuje jaho «Hołas Amieryki».
Pietreus miarkuje, što Pucin moh źbiehčy ŭ toj momant sa stalicy. «Ja dumaju, što ŭrad pachisnuŭsia. Pucin asabista pachisnuŭsia. Heta robić jaho bolš uraźlivym, čym kali-niebudź za dva dziesiacihodździ jaho praŭleńnia Rasijskaj Fiederacyjaj. Chto viedaje, kudy heta moža pajści ciapier», — dadaŭ hienierał.
Na dumku byłoha dyrektara CRU, Pryhožynu ŭdałosia zachavać svajo žyćcio, adnak jon straciŭ PVK. «I jamu varta być vielmi aściarožnym la niezaviešanych voknaŭ u novym miescy ŭ Biełarusi, kudy jon źbirajecca», — padkreśliŭ Pietreus.
***
23 červienia Pryhožyn abviaściŭ, što idzie «na Maskvu», bo nie choča, kab kraina žyła «ŭ karupcyi i chłuśni». Jon zaklikaŭ nie supraciŭlacca najmitam, inakš jany buduć źniščać usich, chto im budzie zaminać.
Užo ranicaj «vahnieraŭcy» ŭziali pad kantrol častku vajskovych abjektaŭ Rastova-na-Donie i vysunulisia ŭ bok Maskvy, prajšoŭšy Varoniežskuju, Lipieckuju i Tulskuju vobłaści.
U Rasii raspačali suprać jaho spravu, Pucin nazvaŭ heta zdradaj, a ŭ Maskvie i vobłaści ŭviali režym kontrterarystyčnaj apieracyi.
Adnak užo ŭviečary Pryhožyn abviaściŭ, što razvaročvaje kałony i idzie nazad. U Kramli zajavili, što spravu suprać jaho zakryjuć, sam vierchavod PVK «pojdzie ŭ Biełaruś». Taksama jany paabiacali nie pieraśledavać jaho najmitaŭ. Heta stała nibyta śledstvam pieramovaŭ Pryhožyna z Alaksandram Łukašenkam. Taksama stała viadoma, što kałony PVK «Vahnier» mohuć pajści ŭ Biełaruś.
Čytajcie taksama:
«Fienamienalny vybar Pryhožyna…» Padalak — pra miaciež kiraŭnika PVK «Vahnier» i karyść ad jaho
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary
https://d2accbiqacj5y8.cloudfront.net/320046
Jeśli jeho zakažut, jesť boleje tichije sposoby ubijstva, čiem snajpier