Haračaje i suchoje nadvorje pryviało da taho, što praktyčna pa ŭsioj Finlandyi dziejničajuć papiaredžańni ab lasnych pažarach, padčas jakich raspalvać adkryty ahoń zabaroniena.
Jak paviedamlaje Mietearałahičny centr Finlandyi, haračyja dni ŭ pačatku červienia pryviali da taho, što praktyčna pa ŭsioj krainie dziejničajuć papiaredžańni ab mahčymych lasnych pažarach. Pavodle acenak sinoptykaŭ, situacyja naŭrad ci paśpieje źmianicca da Juchanusa (Kupalle), piša Yle.fi.
Juchanus, jon ža dzień ciaredziny leta, u hetym hodzie projdzie ŭ subotu 24 červienia. Heta vialikaje śviata ŭ krainach Bałtyi i Paŭnočnaj Jeŭropy.
U hety dzień papiaredžańni ab lasnych pažarach dziejničajuć amal va ŭsich rehijonach. Heta aznačaje, što raspalvańnie adkrytaha ahniu zabaroniena.
Na internet-staronkach Mieteacentra možna znajści kartu ŭ režymie realnaha času, jakaja pakazvaje, u jakich rehijonach dziejničajuć abmiežavańni na raspalvańnie vohniščaŭ, ale situacyja moža abnavicca da Juchanusa.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary