Bank Revolut zrabiŭ bolš strohimi patrabavańni da dakumientaŭ biełarusaŭ i rasijan, jakija žyvuć u Jeŭropie
Bank Revolut, zarehistravany ŭ Litvie, pačaŭ abmiažoŭvać apieracyi pa rachunkach i kartach biełarusaŭ i rasijan, kali tyja svoječasova nie paćvierdzili svajo prava na pražyvańnie ŭ ES, piša «Mieduza» sa spasyłkaju na Forbes.
Čaćviora surazmoŭcaŭ vydańnia Forbes, jakija žyvuć u Francyi i Łatvii, paćvierdzili, što sutyknulisia z abmiežavańniami.
Pradstaŭnik Revolut Pedzi Kroŭli paviedamiŭ vydańniu, što bank zrabiŭ bolš strohimi farmalnyja patrabavańni da hramadzian Biełarusi i Rasii praz abmiežavańni, uviedzienyja ES u dačynieńni da vychadcaŭ z hetych krain.
Pavodle jaho słoŭ, klijenty ź Biełarusi i RF pavinny pakazać praciahnuty dazvoł na žycharstva abo pracoŭnuju vizu, jakija dazvalajuć im zastavacca ŭ ES bolš za 180 dzion. Abmiežavańni datyčać mienavita rasijan i biełarusaŭ i dziejničajuć na ŭsioj terytoryi prysutnaści banka, adznačyŭ Kroŭli.
Jak adznačaje Forbes, bank Revolut — heta adzin ź niamnohich bankaŭ, hatovych adkryć rachunak u jeŭra pa pašparcie Biełarusi ci Rasii i doŭhaterminovaj vizie typu D terminam ad 180 dzion.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary