Bankaŭski pracesinhavy centr zapuściŭ novy servis dla razbłakavańnia kartak. Jon zapracavaŭ u kancy śniežnia, paviedamili ŭ pres-słužbie kampanii.
Havorka idzie pra apieratyŭnaje razbłakavańnie bankaŭskaj płaciežnaj kartki, kali taja była zabłakavanaja paśla niasłušnaha naboru PIN-koda.
Novy servis viartaje kartku da žyćcia z dapamohaj aŭtamatyzavanaj sistemy Interactive Voice Response. Jon dastupny klijentam usich bankaŭ, jakija pracujuć z pracesinhavym centram.
Razbłakavać kartku biez čakańnia i złučeńnia z apierataram možna
pa telefonie +375 17 299 2525. Nabrać numar treba z mabilnaha telefona, jaki trymalnik paznačyŭ u ankiecie banka pry afarmleńni bankaŭskaj kartki, a zatym uvieści apošnija 4 ličby numara kartki.
U bankaŭskim pracesinhavym centry ŭdakładnili, što abaviazkovaja aŭtentyfikacyja prachodzić aŭtamatyčna pa numary mabilnaha telefona. U vypadku niaŭdałaj aŭtentyfikacyi sistema złučyć trymalnika sa śpiecyjalistam słužby servisu klijentaŭ.
U kampanii taksama źviarnuli ŭvahu, što dla atrymańnia pasłuhi važna dakładna paznačać i svoječasova abnaŭlać infarmacyju ab numarach mabilnych telefonaŭ u bazie źviestak banka.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»14
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary