Hramadstva3737

Novy vitok kanfliktu ŭ «Bajpole»: zajavili, što Azaraŭ tam nichto i jaho vyklučyli

Praciahvajecca publičnaje vyśviatleńnie adnosin pamiž byłymi siłavikami, abjadnanymi ŭ arhanizacyi «Bajpoł». Maćviej Kuprejčyk, jakoha kiraŭnik arhanizacyi Alaksandr Azaraŭ siońnia abvinavaciŭ u vykradańni dostupu da jutub-kanała i akaŭntaŭ u sacyjalnych sietkach «Bajpoła», apublikavaŭ svaju viersiju taho, što adbyvajecca. 

Alaksandr Azaraŭ

Miarkujučy pa tym, što sam Azaraŭ kazaŭ pra pierachop Kuprejčykam kantrolu nad telehram-kanałam «Bajpoła», apublikavany ŭ im post možna rasceńvać jak viersiju padziej vačyma hetaha čałavieka i źviazanaj ź im, karystajučysia terminałohijaj Azarava, «hrupy asob». Nakolki jana šmatlikaja, na padstavie najaŭnaj infarmacyi kazać składana. Azaraŭ kazaŭ, što zvolnili tych, chto admoviŭsia prachodzić palihraf.

Kuprejčyk paćvierdziŭ raskoł u «Bajpole», ale ź jahonaj zvanicy situacyja vyhladaje inakš.

Tak, śćviardžajecca, što Alaksandr Azaraŭ, maŭlaŭ, nie jość i nikoli nie byŭ zasnavalnikam ci kiraŭnikom abjadnańnia «Bajpoł», stvoranaha 20 kastryčnika 2020 hoda. Jon nibyta tolki kiraŭnik fondu «Bajpoł», stvoranaha 26 maja 2021 hoda jak techničny elemient funkcyjanavańnia abjadnańnia, i funkcyi Azarava tolki farmalnyja.

Admaŭlajecca taksama toje, što «Bajpoł» vyłučaŭ kandydaturu Azarava ŭ jakaści pradstaŭnika Abjadnanaha pierachodnaha kabinieta Biełarusi: maŭlaŭ, akramia samoha Azarava, nikoha z «Bajpoła» tam niama.

Supracoŭniki «Bajpoła» ciapier nibyta pravodziać unutranaje raźbiralnictva «ŭ dačynieńni da pravamiernaści i metazhodnaści šerahu finansavych apieracyj vyšejpakazanaha fondu», u toj čas jak Azaraŭ i jašče adzin ź jaho zasnavalnikaŭ Stanisłaŭ Łupanosaŭ nibyta admaŭlajucca davać finansavuju spravazdačnaść.

Bolš za toje, nibyta Azaraŭ užo 4 dni «chavajecca ad kalektyvu, nie źjaŭlajecca ŭ ofisie, sprabuje rassyłać u miedyja niedakładnuju infarmacyju ŭ dačynieńni da supracoŭnikaŭ «Bajpoła». A kalehi jahonyja, maŭlaŭ, doŭha ciarpieli i čakali ad jaho kanstruktyvu, ale

«ŭ suviazi z praciaham Azaravym i Łupanosavym destruktyŭnaj dziejnaści, vyjaŭlenymi parušeńniami ź ich boku patrabavańniaŭ biaśpieki, 07.06.2023 kalektyvam Abjadnańnia siłavikoŭ Biełarusi BYPOL pryniataje rašeńnie ab vyklučeńni nazvanych asob sa składu hetaj hramadskaj arhanizacyi».

Kamientary37

  • Klin
    08.06.2023
    Nu jeśli ot vładielciev soc sietok nie zavisit płan pieramoha to pusť by i razošliś ticho. Odni by klepali vidieo a druhije by diełali ostalnuju rabotu. Takije publičnyje vyjaśnienija otnošienij eto udar po rieputacii
  • Acab
    08.06.2023
    Maćvieju i Alaksandru! Hodzie vam svarycca, imitavać dziejnaść, piłavać hranty i kanalizavać antyŭradavyja nastroi! Jościečka dva miescy na Zary ŭ try źmieny, chosteł nadajecca, možna navat ŭ adzin pakoj (tam jašče dźvie asoby)
    Ach vy ž maje byłyja milicyjanty, žeŭžyki hareźlivyja
  • rom
    08.06.2023
    Achacha eta ž niejki ansambl Charoški))
    Azarau splašy))

Ciapier čytajuć

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia8

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Usie naviny →
Usie naviny

Minskaja dyzajnierka: Razmaŭlać pa-biełarusku, nie spytaŭšy surazmoŭcu, ci zručna jamu, — śvinstva88

U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom1

Na vulicy Matusieviča ŭ Minsku pobač ź dziciačym sadkom upaŭ bieśpiłotnik38

Kamandarm Litvy: Moža być i tak, što nijaki abjekt u Litvu ź Biełarusi i nie zalataŭ4

U achoŭnika Pucina zaŭvažyli ŭ rukach nieviadomuju pryładu. Ekśpierty vyznačyli jaho jak dron-pierachopnik4

Rasija ŭdaryła pa kałonii ŭ Zaparožskaj vobłaści. Zahinuli 16 čałaviek

«Fantastyčnaja čaćviorka: Pieršyja kroki» — novy błakbastar z supierhierojami i Piedra Paskalem. Tam zhadvajecca i Minsk3

Jak źmianilisia biełarusy paśla 2020 hoda? Cikavaje nazirańnie byłoha palitviaźnia8

Ukrainskija bieśpiłotniki atakavali bujny čyhunačny vuzieł u Rastoŭskaj vobłaści2

bolš čytanych navin
bolš łajkanych navin

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia8

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić