U Biełaruś prychodzić novy aŭtamabilny brend z Kitaja — Voyah, jaki śpiecyjalizujecca na elektramabilach
Voyah uvachodzić u top papularnych dla pryvozu z Kitaja mašyn, naraŭnie z BYD, Li i Zeekr. I voś siońnia abjavili ab adkryćci aficyjnaha pradstaŭnictva marki ŭ krainie, jak piša Onliner.
Voyah — daččynaja marka Dongfeng Motor Corporation, śpiecyjalizujecca na elektramabilach.
Voyah užo vyjšła na rasijski rynak z tryma madelami, ciapier budzie prysutničać i ŭ Biełarusi.
Dla demanstracyi madelnaha šeraha Voyah pakažam padborku fota mašyn brenda, jakija demanstravali na aŭtasałonie ŭ Šanchai.
Padčas prezientacyi ahučyli niekalki faktaŭ pra Voyah.
- Madeli pabudavanyja na adzinaj płatformie, śpiecyjalna raspracavanaj dla elektramabilaŭ.
- Batarei znachodziacca ŭ biaśpiečnym piacisłajovym pakavańni, što pieraškadžaje ŭzharańniu.
- Aŭtamabili pratestavanyja ŭ zimovych umovach. Zapeŭnivajuć, što vynik daśledavańniaŭ dapamoh dasiahnuć pakazčyka +30% zapasu chady ŭ maroz.
- Brend zapuskaje pa adnoj madeli za hod. Pieršapačatkova skiravany na patrabavalnaha jeŭrapiejskaha pakupnika.
- Padvieska pnieŭmatyčnaja, ź intelektualnymi funkcyjami, jakija mohuć padładžvacca.
- Madelny šerah składajecca z troch mašyn: krasovier Free, miniven Dream, siedan Passion.
Pieršym u Biełaruś pryjedzie Voyah Free. Zapas chodu — 500 km pa cykle WLTP. Jomistaść batarei — 103 kVt/h. Mahutnaść piaredniaha ruchavika — 160 kV, zadniaha — 200 kV. Maksimalnaja chutkaść — 200 km/h. Razhon da sotni — 4,7 siekundy.
Uśled za Free pavinien źjavicca miniven Dream z elektramatoram mahutnaściu 435 ł. s. Jomistaść batarei składaje 108,7 kVt/h, što zabiaśpiečvaje zapas chodu ŭ 482 kiłamietry pa cykle WLTP. Dream razhaniajecca da sotni za 5,9 siekundy.
Apošni pa chranałohii vychadu aŭtamabil — paŭnapryvadny siedan Passion z zapasam chodu ŭ zaležnaści ad viersii — 482 i 608 km.
Startavy košt dla aŭtamabilaŭ Voyah — 182 tysiač rubloŭ, to-bok bolš za 70 tysiač dalaraŭ.
Kamientary