Śviet22

Deputat frakcyi «Adzinaja Rasija» zajaviŭ, što niekatoryja z met «śpiecapieracyi» va Ukrainie stracili sens. I naklikaŭ na siabie prablemy

Ciapier Kanstancina Zatulina mohuć pazbavić pasady pieršaha namieśnika kiraŭnika kamiteta Dziarždumy.

Kanstancin Zatulin. Fota: Dziaržduma Rasii

U «Adzinaj Rasii» pačali kansultacyi z pryčyny publičnych vykazvańniaŭ čalca frakcyi, pieršaha namieśnika staršyni kamiteta Dziarždumy pa spravach SND Kanstancina Zatulina. Pra heta «Viedomostiam» skazali dźvie krynicy ŭ partyi i surazmoviec, blizki da Administracyi prezidenta. Pa słovach apošniaha, pakul rana kazać pra toje, jakija mienavita miery buduć pryniatyja.

1 červienia Zatulin, vystupajučy na forumie pad nazvaj «Jakaja Ukraina nam patrebnaja?», skazaŭ, što ciapier Rasija znachodzicca ŭ składanaj situacyi, kali patrabujecca «pieravod nie tolki pramysłovaści, ale i žyćcia na vajennyja rejki».

«Jakija ŭ nas byli mety, aficyjna zajaŭlenyja ŭ pačatku vajennaj apieracyi? Vy ŭsio pamiatajecie — denacyfikacyja, demilitaryzacyja, niejtralitet Ukrainy i abarona žycharoŭ Danieckaj i Łuhanskaj narodnych respublik, jakija ŭvieś hety čas pakutavali. Pa jakim z hetych punktaŭ my dasiahnuli vynikaŭ na siońniašni dzień?» — pa-fiłasofsku zadaŭsia pytańniem Zatulin. Byli ŭ jaho vystupie i inšyja padobnyja vykazvańni.

Zatulin skazaŭ «Viedomostiam», što ź im nichto z kiraŭnictva frakcyi nie źviazvaŭsia z nahody jaho vystupaŭ na forumie. «Za što ja mahu stracić pasadu ŭ kamitecie abo być vyklučanym z frakcyi? Mnie ničoha kiraŭnictva frakcyi nie kazała», — zapeŭniŭ jon.

Pry hetym u svaim telehram-kanale Zatulin napisaŭ: «Pavažanyja kamientatary padychodziać da majho tekstu [na forumie], jak da šviedskaha stała: vydzirajuć z kantekstu adno i zabyvajucca abo zaciamniajuć inšaje».

«Ja kazaŭ, što na hety momant mety vajennaj śpiecapieracyi <…> nie dasiahnuty. Navošta? Kab dasiahnuć hetych met, treba zrabić nastupnaje. Ja, pa-mojmu, jasna vykazaŭ dumku, što dziela hetaha ŭsie my, chto znachodzicca ŭ adnoj łodcy, pavinny prykłaści maksimum namahańniaŭ», — napisaŭ deputat.

Nahadajem, što 14 maja Kanstancin Zatulin sprabavaŭ patłumačyć prablemy sa zdaroŭjem u Alaksandra Łukašenki. Jon zajaviŭ, što ŭ chvarobie kiraŭnika Biełarusi «ničoha niezvyčajnaha niama» i Łukašenka prosta maje patrebu ŭ adpačynku.

«Tam ničoha takoha niezvyčajnaha niama, heta nie kavid. Prosta čałaviek zachvareŭ. Niahledziačy na toje, što čałaviek zachvareŭ, paličyŭ svaim abaviazkam pryjechać u Maskvu [9 maja], a potym uviečary taho ž dnia pravodziŭ mierapryjemstvy ŭ Minsku. Napeŭna, maje patrebu ŭ adpačynku — voś i ŭsio», — kazaŭ deputat u siaredzinie maja.

Kamientary2

  • Žvir
    05.06.2023
    Cymbaluk na svaim juciub-kanale dobra paściabaŭsia z taho vystupu Zatulina. Talenavity čałaviek, profi. :)
  • Pietro
    05.06.2023
    Tiepieŕ Vańka budiet točno znať čto takoje hovoriť nielzia. Matiuki kak Prihožin možno

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA24

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Usie naviny →
Usie naviny

Aŭtamabil pad Minskam sutyknuŭsia adrazu z tryma łasiami1

Ad zaŭtra znoŭ pačnie chaładać2

Kala Śbier banka ŭ Minsku adkryvajuć pomnik kačcy

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh2

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

Ministr abarony Izraila pryhraziŭ, što žychary Tehierana chutka zapłaciać za iranskija ataki na žyłyja kvartały2

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA24

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić